客廳蝴蝶燈～裝咗白燈膽，不過好似黃光好啲，因為啲通花蝴蝶係閃架，買嘅時候display都係用黃光，用黃光閃得靚啲！聽日要換番黃燈膽先得！！
尋日cf 倒轉咗盞燈嚟裝，笑死我．．．今日牛牛要自己攪番掂！
飯廳燈／廚房燈～其實我哋都冇飯廳，不過真係好中意呢盞通花燈，所以廚房照用！同套廚櫃都好襯吖！呢盞其實都係用黃光靚啲，不過話晒都係廚房，都係光猛啲安全啲，所以最後決定用白燈膽！
大房燈～唔知點形容，總之幾靚啦！不過好似大咗少少！
壁燈～同大房燈係一套架！
細房燈～最簡單．．．影相冇咁靚，現場開咗燈係幻彩紫色，超正！
尋日cf 用錯咗黃燈膽，勁迷幻，開咗燈都好似冇開咁！
原來要諗用白光定黃光都好煩！！不過好彩全屋燈都可以用慳電膽，可以慳啲電費！
好靚呀, 揀得好好, 最鍾意廚房燈 ~
回覆刪除[版主回覆07/03/2010 23:07:00]識貨喎!最貴呢盞呀!!
窗外景觀都不錯喎
回覆刪除[版主回覆07/03/2010 23:07:00]哈哈!!係低層獨有架!!
真係襯得好靚喎~~~盞蝴蝶燈好正呀~~攪到我又想北上尋寶佈置新房
回覆刪除[版主回覆07/03/2010 23:08:00]hehe......等你返嚟先啦!我可以帶路喎!!
hahahaha~~ cf 調轉左盞燈黎裝~~ 咁d蝴蝶飛哂去邊?????
回覆刪除[版主回覆07/04/2010 01:00:00]哈哈!!佢唔識裝......
你好呀~ 其實我睇左你個 blog 都有一段時間, 不過好似第一次留言, 因為......真係希望你唔好介意, 我見到你 d 傢私同燈呀, 靚就真係好靚, 但係到要抹果陣..........特別係你客廳同廚房燈, 廚房又油煙, d 油煙會令到燈表面痴立立, d 塵就會痴到實一實, 廚房燈果 d 網紋肯定抹到你 "痴線" 呀! 我 suggest 你搵定鐘點又或者同你老公約法三章, 睇下邊個抹吧啦!!! (可能我太多事喇! 希望你唔好介意啦!! 不過係我經驗之談.....)
回覆刪除[版主回覆07/04/2010 23:26:00]哈哈...多謝你意見呀!! 其實我哋之前已經考慮得好清楚架喇!! 因為我哋好少煮飯,就算真係有機會煮都係蒸蒸烚烚,同埋用電磁爐冇咁大油煙囉! 不過塵就一定有啦,我未來老公都認咗頭負責抺塵喇......當然我都會幫吓手啦!! 多謝你睇我個blog呀!!
靚、靚、靚！！！
回覆刪除[版主回覆07/04/2010 23:26:00]你都就嚟可以揀靚嘢啦!
我之前都睇過你盞大房燈, 我都好鍾意嫁..... 不過後尾又係怕大盞無買到..... 但成個系列都好靚呀 !!
回覆刪除[版主回覆07/04/2010 23:36:00]本來諗住taobao買架,點知又比我哋喺深圳搵喎,睇過實物都可以接受先買囉!
隻蝴蝶燈很得意...3頭果隻都很美, 我都係很喜歡通花野...HAHA
回覆刪除[版主回覆07/05/2010 09:20:00]多謝!!通花真係好靚呀,不過第時要勤力啲囉!
D燈好靚呀!!!!真係靚到不得了...蝴蝶同廚房個盞都好靚呀!!!
回覆刪除不過,係深圳買燈,要唔要改D電壓咁架,因為香港同大陸好似唔同咁(我都唔肯定...)
師傅超搞笑喎...盞燈點解會倒轉呢??好好好笑呀!!!
[版主回覆07/05/2010 18:00:00]大陸係兩隻腳架，要叫佢加水線（佢哋又叫接地線），不過如果裝修師父幫你裝燈，佢應該會幫你加架啦！ 阿師父都係傳統嗰班囉，唔知係咪仲用緊光管！
你 d 燈好靚呀! 我鍾意你廳果3 盞吊燈. 蝴蝶既都好靚呀~~~
回覆刪除房燈似 tulip 呀我覺得.
[版主回覆07/05/2010 18:03:00]都有少少似tulip呀，不過係倒咗！！
我等找返你 邊篇買燈先.. 參考下
回覆刪除[版主回覆07/05/2010 18:21:00]哈哈．．．click紫色字就係條link喇！不過我冇寫邊間shop買，攞咗太多卡片都唔知邊間打邊間！
我原本想買蝴蝶燈架, 不過一諗到抹就打消念頭lu...
回覆刪除[版主回覆07/06/2010 17:30:00]蝴蝶燈應該唔會好麻煩喎! 因為係膠,又唔會變色唔會生锈,最多都係抺吓塵,可能用雞毛掃都得添......好似諗得太理想!!
唔好意思呀,我想問下盞蝴蝶燈係邊度買嫁?可唔可以俾個地址同店名&價錢我呀?因為我係香港都睇中左盞差唔多款嫁,不過就有D水晶吊落黎嘅,但係太貴.我星期5就會上大陸買野,想揾呢款燈.
回覆刪除希望BLOG主可以幫下忙
我EMAIL係 ERICFUNG1001@YAHOO.COM.HK
十萬個唔該
[版主回覆07/07/2010 17:41:00]喺深圳田貝四路家合居，我搵唔到張卡片呀，唔記得間鋪咩名！賣燈嗰層對住男廁間鋪就係，得呢間鋪有呢個款，開價$680，成交$550 記得check清楚啲蝴蝶有冇爛呀！！！ http://hk.myblog.yahoo.com/phoebekong1117/article?mid=3563
菲比小妹多謝晒你嘅資料,我琴日上左去又一居買燈喇都係買左你果2款蝴蝶燈同雕花3頭燈,蝴蝶燈又一居都有呀我買都係550不過我要佢加水晶所以加多100,雕花3頭燈開價780,但係佢話一定要700先賣,我話朋友都係度買過一模一樣嘅係600,佢死都話冇賣過呢個價錢. 最後都係要700成交,不過冇貨要下星期先有,佢仲話叫我俾朋友張單佢睇,佢話冇賣過呢個價錢喎.
回覆刪除[版主回覆07/11/2010 03:15:00]唔好客氣!!最緊要買到心頭好嘛!!
蝴蝶燈本身都有一粒粒好似水晶嘅物體喎!你想加多啲所以加錢?? 我覺得每串有幾粒都ok,所以冇問加水晶呀!
我買雕花3頭燈間shop專賣"威斯丹弗",又一居三樓3023,如果你都係呢間買就試吓比我單no.佢check啦,(應該得呢間有得賣!)No.1121481,4月10日買架,我仲買咗三個非利浦燈膽,$20@,所以張單total係$660
佢哋真係好海鮮價,我第一次去,有個sales哥哥話$680,第二次有個老闆娘物體開$780,最後都講咗好耐佢先肯$600賣,叫佢平多$20佢寧願唔賣!!希望你都講價成功啦!!加油呀!!
唔好意思打擾哂!,我見你盞蝴蝶燈好靚,唔知可唔可以俾個地址參考吓呢?謝謝!
回覆刪除[版主回覆09/13/2010 14:39:00]深圳田貝北路家合居呀
Hi,
回覆刪除your home is so beautiful ar.
please add me.
如何 go to 田貝北路家合居呀 ?
Thanks
[版主回覆03/25/2011 10:27:00]thanks! http://hk.myblog.yahoo.com/phoebekong1117/article?mid=1387 see this post,by taxi at 羅湖or皇崗 is more convenience,taxi fee around $3x, if u want to save money, can go by bus
多謝您的資料, 很詳細, 很有用.
回覆刪除你盞蝴蝶燈, 厨房吊燈 & 電視地柜好靚呀! 我都想揾番你淘宝果間買地柜, 但他們說不發到香港 la... :(
[版主回覆03/25/2011 15:25:00]唔好客氣! 我之前買嗰間仲發香港架,我早兩日先問過,因為我想買書枱,不過運費貴咗,同埋太大件就唔發香港,例如衣櫃....電視柜就唔知喇.... 或者你試吓問呢間吖,貨品同運費都差不多的 http://365lehehe.taobao.com/ 希望你成功買到心水傢俬啦!
真係靚wor......... 我覺得廚房果盞最靚不過夠唔夠光架
回覆刪除[版主回覆03/28/2011 15:59:00]夠光呀,可以買大d watt數嘅慳電膽,我呢個唔係最光果隻
hi hi
回覆刪除再次多謝你的教路.
我都買左盞通花燈, 好靚, 好鍾意.
好欣賞你佈置家居的心思, 值得一讚 :)
ps. 這間 http://365lehehe.taobao.com 都不發到HK, 說物件寸太大, 速遞不收. 如果你有其他好的, 請介紹下. Thanks... :)
[版主回覆03/29/2011 17:22:00]唔好客氣!有靚嘢梗係要同人分享啦! 問咗呢兩間都發香港,不過要樓下提貨呀! http://item.taobao.com/item.htm?id=6944130709 快递386 元送货到楼下 http://item.taobao.com/item.htm?id=7113491272 快递390元送货到楼下
so sorry 呀! 又再打擾你呀!
回覆刪除請問你知唔知由皇崗去藝展中心可以搭幾號巴士?
另外, 你有無試過在上琛圳買傢俬, 然後叫他們速遞到香港?
謝謝你的幫忙. Thanks a lot.
[版主回覆04/01/2011 18:19:00]我次次都係搭357巴士去 田貝四路行完再轉的士去架,不過 架巴士中途經過 寶安北路 都好似有站可以落，我唔記得咗咩站呀! 皇崗 搭的士去都係三十幾蚊! 深圳傢俬唔啱我尺寸呀,訂造又唔係好平!我淨係訂造咗廚櫃咋,安裝/運費全部另外計錢的!