6呎半ｘ8呎半大衣櫃～扮入牆櫃，都幾fit！中間條波浪係我要求加嘅，好似冇咁dry嘛！
大雕花close up
花花手抽～原來同廚櫃個花一樣架，不過呢個銀色，廚櫃係金色
左面兩度門係一大格，可以掛好多衫，下面有塊層板可以攞走（暫時放住雜物先！
）
右面兩度門中間有隔開，左邊可以掛長外套／連身裙，下面係拉櫃桶有鎖！右邊係層板一格格可以當櫃桶！
見唔見到張床哩．．．．．．呢張係田園油壓床
同我比佢參考張相有九成似，床頭床尾都有雕花！其實床頭板造尖啲會靚啲，不過我哋個窗太矮，而家已經遮咗部份喇．．．．．．
床頭板close up
床側邊有好大條隙，許生幫我造咗個 fit size嘅櫃仔，可以用嚟放手袋，good！
床尾放咗我最滿意嘅梳妝電腦枱！因為佢唔似電腦枱！！估唔到咁實淨，啲木板成吋厚！！
而家暫時係梳妝枱，第時就會做埋電腦枱！可以放好多化妝品／護膚品，襯埋盞田園壁燈真係不得了．．．．．．
頂花同床板個花襯埋一樣
呢個細雕花係我強烈要求加上去嘅，原來一啲都唔細喎！嗰三格可以放A4，不過我唔會咁做！！
仲有兩個拉櫃桶，又係波浪邊，超愛！
不過張梳妝櫈比錯咗色，我要深紫色呀！！雖然白色都好靚，不過肯定好快黑晒！要換呀！
比我諗到唔用手抽開櫃桶，正！
5呎C字櫃～外觀好靚，不過唔知點解冇其他櫃咁白，好似有少少米黃色！不過都唔係好覺！算啦！
櫃頂加咗雕花，花花手抽同衣櫃係一樣款．．．好彩玻璃櫃凹咗入去都唔係好怪，ok吖！
紅酒架～多謝牛牛批准！可以放12支呀，正！仲有波浪邊．．．．．．
下面係第一格放圓櫈所以大格啲，其他三格係鞋櫃，仲有拉櫃桶可以放襪襪，好方便呀！！
後記：
雖然安裝師父好小心，不過都撞花咗幅牆，只係一撻都算好啦，要叫cf 補補油！
床板隻角崩咗，不過鋪咗床裖就見唔到啦！
衣櫃門花咗一撻，好明顯補過油，近睇就覺眼啲囉！
整體嚟講裕興發呢幾件傢俬都好滿意，少少暇次實有架喇，如果真係要好完美嘅，我諗比多幾倍價錢搵啲名牌design house應該可以的，不過我哋budget 有限，唯有用最少嘅錢買（相對上）最好嘅嘢啦！始終咁嘅價錢有咁嘅質素，仲要係訂造自己想要嘅款式，比起大陸真係好好多，就算香港嘅名店都可能會有問題啦，慶幸呢幾件傢俬都冇咩大問題！仲好靚添！
同埋啲櫃入面都係靚仔可以見得人嘅！我之前套大陸田園廚櫃只係櫃門靚，入面又黃又黑，有朋友到訪嘅話，最好唔好開廚櫃攞嘢！！
裕興發
深水埗青山道121, 123, 125號地下, 電話: 2708 3068
好田園 feel, 好靚ar................
回覆刪除[版主回覆07/05/2010 15:17:00]我都好滿意！
好靚呀...好有田園feel!!!正呀...
回覆刪除[版主回覆07/05/2010 15:17:00]yeah．．．full set 都係田園！！
好靚.....恭喜哂.....無枉費妳費盡心思為間sweet home扮靚靚
回覆刪除[版主回覆07/05/2010 15:20:00]多謝！仲有唔夠一星期就可以入去住喇，好期待哩～～
好靚呀~ 真係又白又靚~~
回覆刪除[版主回覆07/05/2010 15:34:00]同我想像中差唔多，都好滿意！ 你啲傢俬諗好晒未呀？
真係唔錯喎, 我最鍾意廳櫃個紅酒架,
回覆刪除等我都抄下先~
[版主回覆07/05/2010 15:57:00]雖然有少少暇次，都可以接受啦！ 好呀，抄吖，個紅酒架我都好中意，又實用又慳位！
間屋簡單得來好C服......非常唔錯~~~可列入簡約教材
回覆刪除[版主回覆07/05/2010 16:00:00]簡約教材？？係乜東東？ 白色真係好舒服，不過第時要清潔就唔舒服喇．．．
來緊7月會超唔得閒，要搞間房同埋睇下有咩結婚要用而未買既野....
回覆刪除[版主回覆07/05/2010 16:14:00]淨係搞間房？你哋會同屋企人住？
暫時會一齊住先...save下錢先再搵地方...
回覆刪除結婚已經洗一筆.....唔save返d唔掂
[版主回覆07/05/2010 17:38:00]努力呀．．．儲多啲買大啲！！
好靚呀, 睇得出你好有心機呀!
回覆刪除[版主回覆07/05/2010 17:40:00]多謝！係呀．．．真係比咗好多心機！
好令呀! li 係 hk 訂造家... 都唔錯呀
回覆刪除[版主回覆07/05/2010 18:16:00]係呀．．．呢間係香港，又平又靚！
D雕花好靚呀~~~
回覆刪除[版主回覆07/05/2010 18:22:00]不過要清潔就慘喇．．．
好靚喎~你d心機一d都冇白費到呀!
回覆刪除[版主回覆07/05/2010 22:58:00]要keep住比心機......抺屋......hehe......
你好呀, 你D傢C真係好靚呀, 你真係好有心機呀!~
回覆刪除[版主回覆07/05/2010 23:06:00]多謝!
你幾時入伙呀?
好正呀~~~雖然有小小暇次..但唔講真係無人發覺...整體黎講呢個價錢真係超值~~睇完你個BLOG我都叫家姐去呢度訂造呀!!
回覆刪除[版主回覆07/05/2010 23:08:00]係呀...都可以按受,要好近先見到囉!
你家姐都裝修?去搵許生啦,佢跟得好好!
好靚呀~ 我覺得好公主FEEL呀~
回覆刪除[版主回覆07/05/2010 23:08:00]hehe......扮吓啫!
真係OK喎!!!我遲D要去問問價先!!
回覆刪除[版主回覆07/05/2010 23:10:00]你似乎有排都未可以訂傢俬喎......咁大大大工程!!
其實呢家周圍行下睇下都差唔多架喇!!因為8月開始內部裝修喇,咁呢家睇定,知道d size同款可以夾下D裝修咁啦!!!
回覆刪除[版主回覆07/05/2010 23:39:00]咁又係，睇款都有排睇啦！真係花多眼亂呀！仲要格吓價哩！
其實呢家周圍行下睇下都差唔多架喇!!因為8月開始內部裝修喇,咁呢家睇定,知道d size同款可以夾下D裝修咁啦!!!
回覆刪除好羨慕你有入牆衣櫃, 你拆咗廚房, 改做 open kitchen, 地方見駛咗好多。為咗呢間屋你真的很努力呢, 我買家俬真係無你咁講究, 我只要耐用就好!!! 田園傢俬雖然好靚, 但係全屋都白色, 會擔心唔襟用, 容易有漬嗎 ??? 我就係好怕傢俬有漬會太覺眼, 所以全屋買哂深色家俬呢 ~
回覆刪除你老公很遷就你呢, 唔係個個男人, 都 like 間屋咁公主 feel 的, 我老公就一定唔 like ~
[版主回覆07/05/2010 23:43:00]不過整入牆衣櫃，個廳就細咗囉！
實會dirty啦．．．之後要勤力啲抺屋呀！白色光猛啲，感覺間屋大啲嘛．．．自己呃自己！！
一開始時問佢整咩style，佢話冇所謂，咁咪由我發辦囉！
真係好襯呀, 你地好有心機去搜羅呀
回覆刪除[版主回覆07/06/2010 00:25:00]hehe......係我好有心機去搜羅呀 !!
嘩, 好靚啊!!!!你好有心機同埋你識得設計啊!!!
回覆刪除比著我, 唔識變化咁多野....同埋我隔離果個一定唔比我裝修到咁女仔呢!!
[版主回覆07/06/2010 15:54:00]哈哈...我bf 好似都幾中意喎!
佢可以咁快攪點晒比妳，真係好神蹟！
回覆刪除[版主回覆07/06/2010 15:51:00]哈哈!!因為我話7月頭趕住入伙呀!不過唔知幾時先換到張櫈囉!
真係很想全間屋看下呢, 等你D相...另外, 甘多雕花, 佢有沒有加你錢..記得話過D 雕花很貴下...一個....
回覆刪除[版主回覆07/06/2010 15:55:00]冇呀,都係$880一呎,如果冇雕花好似$850一呎咋!
終於收成喇, 恭喜你呀, 小妹~
回覆刪除睇見全屋咁靚咁襯, 之前點辛苦都抵番喇啦!
你老公真係好錫你, 咁你一齊咁比心機搞靚間屋!
[版主回覆07/06/2010 15:56:00]多謝你呀!!再過幾日就可以搬入去喇...好期待哩! 我哋仲要一齊比心機搞清潔!!
我最中意你個c字櫃, 第時我都會响呢間整番個放係廳!
回覆刪除[版主回覆07/06/2010 15:57:00]好呀...個c字櫃真係又靚又實用!
嘩，全屋都係一系列既，正呀！
回覆刪除[版主回覆07/06/2010 16:00:00]你新居都可以整吖!!
個大衣櫃真係好fit
回覆刪除[版主回覆07/06/2010 16:00:00]係呀!!扮入牆櫃扮得幾似!!
原來你有好多雕花, 雕花everywhere! 咁咪加好多$$?
回覆刪除[版主回覆07/06/2010 16:02:00]都係$880一呎
想問你係深圳邊度睇傢俱? 係咪筍崗倉庫?
回覆刪除[版主回覆07/06/2010 16:04:00]深圳田貝四路買燈﹑磚，筍崗附近梅園路買家品﹑裝飾品
知唔知深圳邊度印牛油紙? 放係帖入面
回覆刪除[版主回覆07/06/2010 17:45:00]唔知呀! 牛油紙唔係好平架咩?文具鋪咪有囉
香港印差唔多3蚊張印單面，深圳印1蚊左右印雙面
回覆刪除[版主回覆07/06/2010 21:38:00]哦......要印字嗰啲! 我唔擺酒所以冇留意呀!
真係好靚呀!妳好有心機呀,多謝妳既介紹呢^^
回覆刪除[版主回覆07/06/2010 21:43:00]唔洗客氣! 有好嘢梗係要同大家分享啦!!
個櫃好靚喎
回覆刪除[版主回覆07/06/2010 21:43:00]yeah!!又靚又實用!!
小妹, 恭喜你, 一切順利......真係勁靚呀, 樣樣都好靚, 好羨慕你有個梳妝台, 我個度擺唔到, 同埋我間房無做田園啦..........
回覆刪除讚! 讚! 讚!
[版主回覆07/07/2010 09:40:00]多謝!!雖然有少少問題,不過都好滿意!
效果唔錯喎~~
回覆刪除我好好期,點解你咁多浮雕都咁平既? 我間傢俬舖,價錢貴你一倍,都做唔到呢d浮雕,佢話好貴.
[版主回覆07/08/2010 21:50:00]你會唔會係夾板呀??夾板係貴啲架!!而家呢間用高纖板,不過我覺得都幾實淨!
真係好勁靚呀!!!!
回覆刪除請問咁多樣傢私埋單要幾錢呀?
[版主回覆07/08/2010 23:39:00]http://hk.myblog.yahoo.com/phoebekong1117/article?mid=3208
你睇呢個吖
張椅都係裕興發做的嗎? 我都想做呀, 幾錢呢?
回覆刪除[版主回覆07/10/2010 00:50:00]你話梳妝櫈?係梳妝枱包埋架!我呢隻書枱款嘅梳妝枱要$850一呎
可以影埋你衣櫃內的間格嗎? 我星期二都收貨了, 希望有你的咁靚就好了.
回覆刪除[版主回覆07/10/2010 00:52:00]間格任你揀架!!我聽日搬喇,唔知有冇時間upload上嚟,可能要過幾日喎!
你都係造田園款?田園款一定靚!!
謝謝你呀, 好靚呀, 我真希望收貨時我都可以看到咁靚. 我房間太細, 要做趟門.
回覆刪除可惜許生冇話我知可以造埋張櫈啦, 如果依家再落單要五六百蚊至得.....
最鍾意你張書枱! 好靚!
[版主回覆07/11/2010 15:44:00]唔好客氣!
嘩... 啲櫃同幅牆好match呀... 好靚呀!! 你老公咁好, 唔mind 紫色嘅... 好少男仔接受呢類女仔啲嘅色架~~~~~
回覆刪除[版主回覆07/11/2010 16:11:00]佢話冇意見,我咪揀我中意嘅色囉!!不過都係房啫,廳都係白色架!
你真係 lucky ^^
回覆刪除[版主回覆07/11/2010 17:21:00](Empty)
我鍾意你個大衣櫃好實用~
回覆刪除我想問下裕興發係唔係專係幫人訂造傢俬架 ?
以上傢俬真係唔錯~
[版主回覆07/11/2010 23:54:00]係呀,裕興發係傢俬店,有自己工場,可以比圖佢訂造架!
田園FEEL 好正呀~我都好鐘意田園style~ 你個櫃和梳妝台, 床個d都好襯~~ 一set, 最衰澳門無~ 我都好想買呀~~~
回覆刪除[版主回覆07/26/2010 00:30:00]深圳都可以訂造田園傢俬呀,因為我見香港都唔係貴好多,所以費事走上走落,你都可以睇吓吖!
你就好啦~咁大個衣櫃~我d傢俬送左黎啦~個衣櫃比我想像中細好多呢~我估得你一半~
回覆刪除[版主回覆09/12/2010 18:20:00]我拆咗個廚房先可以有大衣櫃咋!!
終於完工??睇吓先......
你就好啦~咁大個衣櫃~我d傢俬送左黎啦~個衣櫃比我想像中細好多呢~我估得你一半~
回覆刪除HI
回覆刪除你好我終於搵到你啦,點解咁講我就系一直想搵有關田園系列家私的資料,hk我只知長沙灣有一間樓上店有售,但價格唔平,尺寸仲不是太啱我,我見你講你買個間都唔錯,想問多少少,系咪自己度尺比佢,d款都系你要求佢不是買現貨架!!
仲有大陸邊到有這種田園家具買,有無詳細地址,因我煩緊買裝修新居d家具,上星期日才去了買燈飾,真系平好多!!
唔該哂你解答我問題
[版主回覆01/06/2011 16:06:00]師父免費上門度尺架,佢鋪頭有一兩款display,你可以去睇睇手工質料先!佢地可以話係專門做田園傢俬,只要有圖比佢就可以按圖訂造! 我係print左淘寶嘅相比佢參考,再講自己有咩要求/更改,師父會即時畫圖比你睇,咁你就知製成品大概係點,不過你最好自己度咗尺寸去,唔準唔緊要,因為按尺寸收費你就知大約幾錢,同埋佢會同你傾做唔做到你想要嘅要求,好似我個衣櫃做唔到"燙"門要做拉門咁,因為差兩寸唔夠位!睇埋呢個post吖! http://hk.myblog.yahoo.com/phoebekong1117/article?mid=3208 深圳寶安北路有田園家具, 「金海馬家居」 G/F 的 < 軒尼斯 > 好多香港人幫襯，價錢ok，不過佢係四四方方嘅韓式田園風，唔係我呢種波浪浮雕款！ 同埋係現貨,如果訂造可能貴過香港!
HI,你好呀,好喜歡你個大衣櫃, 想問0下上層cut 0左隻角0家位置可以放東西嗎? 我間房都有條樑0家,同你的位置一樣.
回覆刪除[版主回覆05/29/2012 09:18:08]左上角都可以放東西的!
total how much??thx
回覆刪除[版主回覆01/25/2013 23:43:20]Total $14500