花花門鎖ｘMelody＝睡房
花花門鎖ｘKuromi＝電腦房
田園梳妝電腦枱．．．個個朋友見到都問我點解唔加塊大鏡？因為“佢”唔係梳妝枱咁簡單呀！“佢”身負重任，喺不久嘅將來要變身成為電腦枱呀！！
換番張紫色櫈喇，之前造錯白色真係唔敢坐，勁易污糟！梳妝台隔離就係田園手繪垃圾桶喇，又靚又方便哩！
為大家介紹～～紅色嘅係大BB，我晚晚都攬住佢瞓架！
坐喺度嘅老翻賤兔係牛牛N年前送嘅，都差不多八歲喇！佢坐住嘅木箱同張床一齊訂造，放晒平時唔用嘅手袋﹑大量美麗日記，超實用！！
床邊放咗個 Kuromi 磅，諗住比牛牛磅好方便，不過佢從來冇上過磅！！
紫色窗簾係舊屋攞過嚟，之前都係深圳造，用得唔好嘥，喺舊居樓下改短咗﹑一開二又啱用！！盛惠 $80
電腦房＝雜物房
仲有油畫同埋全身鏡未掛好，因為未買電鑽！仲有袋舊衫排隊等洗﹑幾個包裝盒未掉﹑買咗張雙人床墊招呼朋友（實惠 $239）﹑又係招呼朋友用嘅摺枱﹑cf 留低嘅木梯唔知點安置．．．．．．
用咗兩年嘅Ikea甩皮電腦枱．．．唯有用Kuromi＋Melody遮住！因為牛牛唔比我買新電腦枱！！
經過4個月嘅research加2個月嘅裝修工程，我哋終於有個迷你安樂窩喇！！
過程好辛苦但係難忘．．．中間亦有意外同做錯嘅地方，好彩最後都攪掂！
其實而家間田園小屋都有啲小問題同瑕疵，不過我哋接受咗啦！如果事事要求完美，真係比多10萬加一個月時間都攪唔掂！點都好，呢個都係我同牛牛嘅心血結晶～～～牛比家！！迷你田園Love House的誕生過程請按－－＞裝修篇
迷你田園Love House就係得咁多喇，多謝收看！！
好開心呀!! 間屋整到咁鬼靚~~~
回覆刪除[版主回覆07/26/2010 00:58:00]不過好迷你哩!!
恭喜曬呀...你間屋有你自己想要既design...好靚呀! 但係我而家都未知自己間屋會搞成點ha ha!
回覆刪除[版主回覆07/26/2010 00:59:00]多謝!!
你個designer好似好勁喎!!啲圖都好靚吖,如果你冇idea咪跟設計師意見整囉!
恭喜晒啊, 睇得出你好有心思啊!
回覆刪除我結婚暫時只可以裝修間房咋, 但係我都唔知點整好!
[版主回覆07/26/2010 10:27:00]第一次買樓,可能都係最後一次,梗係樣樣都想整靚啲啦!! 淨係間房都可以整自己中意嘅style呀! 我見好多人整假地台都幾好呀,可以放好多嘢,只係牛牛唔中意所以我哋冇整!
你張床細咗D喎，個公仔咁大點夠瞓呀???不過個衣櫃好大，可以放好多嘢，我鐘意。
回覆刪除[版主回覆07/26/2010 10:33:00]張床得4x6咋,如果整大啲張床就開唔到衣櫃喇!!不過我哋瞓咗兩年都ok呀,個公仔夜晚會側身瞓架!!
岩岩先發覺原來你地間屋係無餐桌架 ..... 咁你地 o係 邊到食飯呀 ??? 用茶几 ???
回覆刪除[版主回覆07/26/2010 10:40:00]係呀,平時早餐喺茶几食囉,我哋好少煮飯,一個月都冇一次,最多都係煮麵!! 其實仲有張摺枱架,收埋喺電腦房!
total loook 好掂! 全部都係你既心思!
回覆刪除[版主回覆07/26/2010 10:47:00]多謝......比我想像中滿意啦,我要求低嘛!! 好多小問題我都接受到!! 你攪成點呀??
你咁好準備埋床墊俾朋友仔^^
回覆刪除點解個師傅會留條木梯係度??佢送俾你地呀??
[版主回覆07/26/2010 13:00:00]嘻嘻...方便住得遠嘅朋友仔嚟玩完可以借宿一宵嘛!! 師傅買咗新梯,呢條舊嘅留比我哋用喎,不過好dirty,可能遲啲掉咗佢喇!!
o的燈好靚丫~起 where買丫?
回覆刪除[版主回覆07/26/2010 13:03:00]深圳買架! http://hk.myblog.yahoo.com/phoebekong1117/article?mid=3563 http://hk.myblog.yahoo.com/phoebekong1117/article?mid=1329
應該呢個星期有既...
回覆刪除[版主回覆07/26/2010 13:05:00]到時分享吓吖!!
你個間屋好令呀.... 好正呀...
回覆刪除我都係度煩跟買 傢俱中
[版主回覆07/26/2010 13:08:00]多謝!!你都要加油呀!!
恭喜你呀, 好開心見你入伙...... 其實你都好叻嫁啦, 咁短時間攪惦晒入伙, 間屋裝修靚靚, 係時候係間屋入面嘆番下
回覆刪除[版主回覆07/26/2010 13:17:00]多謝你呀!!你仲叻啦,識得diy添!! 辛苦咗幾個月,而家見到間屋真係好開心架!!
我覺得你要買番套田園版Melody床單+枕袋o黎襯番你o既田園睡房！
回覆刪除你個大BB，真係幾大，張床好似瞓o左3個人咁...
太好喇~ 終於攪掂可以安居相宿相妻喇~~~~ 恭喜~~~
回覆刪除[版主回覆07/26/2010 18:29:00]多謝！係都要努力攪間安樂窩呀！！
好靚丫~~
回覆刪除[版主回覆07/26/2010 18:29:00]多謝！你都好快有個安樂窩啦！
好靚AR.. GOOD
回覆刪除[版主回覆07/26/2010 18:30:00](Empty)
恭喜恭喜！安樂窩終於搞掂了，又靓又舒服，真係幾辛苦都值得！
回覆刪除[版主回覆07/26/2010 18:31:00]ｙｅａｈ．．．多謝捧場！
雖然迷你, 但係有個屬於你哋, 小小的家, 感覺已經好 warm ~
回覆刪除[版主回覆07/27/2010 23:47:00]嗯...屋仔細細都好滿足喇!!
wahwahwah....我已經參觀完晒成間屋啦!!真係好正好溫暖!!!最鍾意個廳&開放式廚房，C型櫃&吊燈靚到不得了!!好想擁有佢!!!
回覆刪除我都好想自己設計屋企，田園風味真係好靚好靚....讚x10000000000，不過第時我應該唔會用白色，因為我同男友都係懶人，白色好快變成黑色!!!
[版主回覆07/27/2010 23:57:00]嘻嘻......多謝你咁有心機睇我個blog!!
鬼叫我貪靚咩...唯有勤力啲啦!!
好鍾意你個blog 呀!! 亦都好戥你地開心, 一路由裝修到依家0既"成品"!! 好有心思!!
回覆刪除[版主回覆07/27/2010 23:58:00]多謝欣賞!!
你設計得好好呀間屋真係好正...恭喜哂呀!!^^
回覆刪除間屋除左有田園feel 仲好有melody 同kuromi feel 呀~~
[版主回覆07/27/2010 23:59:00]多謝呀!!
嘻嘻...melody 同kuromi都係住客嚟架!!不過同田園真係唔好襯!!
你間屋好正呀,你老公肯俾你咁整,真係好。
回覆刪除[版主回覆07/28/2010 17:41:00]多謝！ 係呀，佢話冇意見，咁我咪自由發揮囉！
正呀，正呀！！你間屋裝修得好靚呀！ 恭喜曬你地新居入伙！！ 八卦一問，可唔可以話我知個CF O既資料呀？ 同埋你地裝修左幾錢呀？？THX！！^^
回覆刪除[版主回覆09/01/2010 10:12:00]多謝!!我留咗言去你blog呀!
hi, your home is very nice ar. I am looking for c fu at this moment. Can you pm me your c fu info? How much you paid for him finially? Thanks so much!!
回覆刪除[版主回覆10/10/2010 01:52:00]reply to your blog
我想問下你張床幾多錢呀? 之前係荃灣訂做3.5 x 6 既單人床﹐有3個抽櫃都要3XXX 好貴呀... = 3 = 我未訂所以想知呢呢間幾多錢 thank you~!!
回覆刪除[版主回覆05/26/2011 15:45:00]張床4x6,油壓床都有3個抽櫃,同埋加高咗可以放多啲雜物,都係三千蚊