好簡單嘅客廳，我唔中意太多嘢好似好迫好亂咁！最多都係遲啲擺幾個相架做裝飾
46吋電視點解咁細．．．．．．因為我近視！
雕花掛架似乎只可以做裝飾，唔可以放嘢上去！本來想擺結婚相架，不過好似唔係好穩陣，因為個掛架唔夠闊！
等咗三個星期，芝華仕梳化終於整好，過程唔講喇．．．總之一肚氣！以後都唔幫襯名華軒！！
從未曝光嘅雕花茶几rmb$178～因為搬屋當日先砌好！萬分感激龍先生幫手做苦力之餘仲幫我砌埋個茶几！
我哋每曰都喺張茶几一齊食早餐架！ |
康復後嘅梳化終於可以申對腳出嚟喇！
個茶几仲啱啱好夾咗喺中間，超級方便，簡直係A院嘅享受．．．．．．唔該爆谷汽水吖！
原來我都好慳家喎，冇咩無聊 figure公仔擺設，玻璃櫃唯有放埋毛公仔啦！特別介紹右上角甜睡中嘅紫色“百足寶寶”，唔知大家識唔識佢呢？係爺爺第一個買比我嘅毛公仔，係我自己揀架，而家“佢”已經廿幾歲喇！原來我細細個已經中意紫色，真係三歲定八十呀！
雙面掛鐘．．．真係靜音架！
迷你田園Love House的誕生過程請按－－＞裝修篇
好靚呀!!!
回覆刪除[版主回覆07/25/2010 22:51:00]hehe．．．多謝！
原來你個客廳咁大,好舒服呢~~~
回覆刪除不過我覺得電視上面嗰個架唔到野有D費.
[版主回覆07/25/2010 22:53:00]係啦！都係我冇睇清楚尺寸就買囉！真係嘥咗呀！
哈哈...打漏左字 TIM~ 想打「浪費」
回覆刪除或者遲 D 有裝飾物放上去啦~~~~唔好嘥左佢~
[版主回覆07/26/2010 00:44:00]我知你想講浪費
我都諗緊有咩裝飾物可以放上去呀,或者放細啲嘅相架囉!
嘩, 個客廳真係好靚呀, 又簡潔又舒服, 果然係安樂窩, good~
回覆刪除[版主回覆07/26/2010 00:46:00]多謝!!而家放假都唔想出街lu......
D 窗廉做到地下很OK...一眼看似全個窗都係洛地, 很得意...全個廳很舒服, 果然很田園, 很美..
回覆刪除[版主回覆07/26/2010 00:49:00]落地窗簾我就係想扮豪宅囉!!哈哈......
你個掛架有冇放嘢上去呀?
梳化你應該唔好收貨, 名華軒都出名唔太好, 我上次都怕左佢...
回覆刪除[版主回覆07/26/2010 00:51:00]又話過幾日幫我整,點知攪咗3個星期,仲要自己打去追,啲人態度又差,真係激死呀!!
個掛鐘我之前都有睇中過，不過最後冇買，最近見到好多人都用呢款，我朋友仔屋企都有用佢，可能係因為雙面好得意又方便。
回覆刪除[版主回覆07/26/2010 09:58:00]個掛鐘都幾方便架,不過手工麻麻囉!
係唔係我眼花呢 ... 點解個櫃同牆之間有咁大條空隙既 .... 咁樣好似攪到個櫃上面斜左落黎咁 ....
回覆刪除[版主回覆07/26/2010 10:02:00]唔係你眼花呀!!因為幅牆唔直囉!!我都唔知有咩方法可以令條隙冇咁覺眼!!
最鍾意個窗簾呢~真係好靚呀
回覆刪除[版主回覆07/26/2010 11:30:00]你都換線簾啦!!
個茶几真係好fit好靚喎!!!個鐘兩面好方便呀!!!
回覆刪除我都鍾意間屋少D野,無咁大壓迫感...呢家咁好好呀!
[版主回覆07/26/2010 11:42:00]雖然屋仔細細,不過好舒服! 仲有全部都係我中意嘅嘢!!
嘩嘩嘩~~ 掂呀!!
回覆刪除真係好多謝你無私嘅分享呀!!! ^3^ 好正!!!
係呢~ 不如你講吓做咩事名華軒又搞到你咁嬲??
我張梳化8月中都會送貨喇~ 好驚又係壞嘢....
[版主回覆07/26/2010 14:01:00]唔洗客氣!! http://hk.myblog.yahoo.com/phoebekong1117/article?mid=4788 本來約咗上兩個星期六整梳化啦,點知到嗰日上午先打嚟話彈弓冇貨,要喺外國訂喎!!之前送貨 / 電話約時間都知係換彈弓啦,一早又唔check!!我叫佢訂兩條彈弓,因為兩邊都有問題!! 再約埋一星期後整囉......即係上星期六,點知到星期五都冇人打嚟confirm幾點上來,我打去hotline問,CS姐姐態度唔係好友善!!好似我打嚟阻住佢咁...... 到星期六有個師傅打比我話又約時間上來,我話約咗喇喎!!個師傅好似咩都唔知咁,我再提佢係兩邊彈弓都有問題,佢又係態度奇差,話張單冇寫,仲問我有冇同佢哋講!!我講咗好多次啦......真係激死我!! 終於等到師傅上嚟整,個師傅著牛仔褲波鞋,一聲不响就坐上張梳化度試......喺冇任何保護下就整黑咗梳化腳位!!
你個茶几好得wor...早知好似你噤啦....haha....岩哂我地呢d懶人....hehe...你間屋好靚呀....好得.....like x 100000000
回覆刪除[版主回覆07/26/2010 14:02:00]多謝!! 你張斑馬椅都好得吖!!
回覆刪除好鍾意個假天花!!
盞燈原先已經夠晒靚，宜家加埋開冷氣效果，真係無得彈
[版主回覆07/26/2010 22:02:00]你同牛牛taste一樣喎!!幾時嚟參觀呀??
吓~~~~
回覆刪除有冇搞錯呀~~~ 咁嘅服務嘅~~~~
上嚟維修又整污糟人哋張梳化.... 咁都得?!
咁你有冇話佢?
[版主回覆07/26/2010 22:05:00]嗰日朋友嚟house warming,我哋入晒房費事阻住,牛牛又粗心大意,咁就出事!!
係個客廳睇戲一流呀!
回覆刪除仲有門口個c型櫃都好靚!
[版主回覆07/26/2010 22:07:00]係呀,好彩牛牛堅持買呢張梳化咋!!
c型櫃你都可以參考吓吖!
飾物櫃條隙,間公司唔幫你整修邊條咩?
回覆刪除ANYWAY,我覺得唔需要太MIND,係你咁樣影先留意到,一般人上到你屋企,唔會留意到個櫃既邊邊~
[版主回覆07/26/2010 22:13:00]其實我真係冇留意呀，係post咗啲相上嚟，仲要你哋問起我先發現！！安裝時個師傅有話我幅牆唔直囉，櫃底都攝咗木片架！因為白色櫃都唔知會唔會幾年就dirty晒要換，所以冇諗過修邊呀，費事煩！
係啦~~
回覆刪除如果諗住為靚，唔會太長用，就無謂額外駛錢修口啦~~
[版主回覆07/27/2010 11:06:00]我唔知修口要幾錢呀,都冇人同我講要修口,我哋又唔識,hehe...
我初初都唔識架...
回覆刪除有好多間報親價都會skip咗呢part唔講架...
到你問，先話要錢... 好古惑架...
[版主回覆07/27/2010 13:02:00]哦......你攪掂未呀?
哈哈~~
回覆刪除多謝你關心我呀~~ ^^
我哋今個星期六會收全屋嘅櫃喇~~ (收完話你知O唔OK啦~ ^^)
星期日/一會裝囉~~
之後會痴牆紙，同裝燈~
睇嚟我bf 8月尾之前都可以入到伙~~ 好開心~
[版主回覆07/27/2010 13:29:00]都好快喎！！仲有一個月就有個安樂窩喇！
係呀~~ 真係幾快手~
回覆刪除一個月就可以收貨，唔知成品係點，希望無咩問題啦~~
so far到呢一刻名匠都幫我跟得幾好呀~ 啲人都好好呀~
希望唔會遇到Snoopy果個情況啦~~
[版主回覆07/27/2010 13:40:00]好多人都話呢間ｏｋ架，唔會咁唔好彩嘅！！
嗯，承你貴言呀~~
回覆刪除係呀，月中果時，我都上咗家合居買燈~
都見到你盞蝴蝶燈呀~~~ 但已經唔止一間有得賣喇~~
仲有魚魚同蜜蜂添! 哈哈~~~
不過我最後都係抵唔住誘惑，自己都買返盞! 哈哈哈~~~
不過買咗先發覺同你果款有啲唔同架喎...
[版主回覆07/27/2010 23:41:00]咁快有新款!!你都係買蝴蝶呀?
good good good.........congratulation to you again & again.....
回覆刪除[版主回覆07/27/2010 23:44:00]多謝多謝......終於都感受到在家千日好喇!!
你間屋真係好田園FEEL 呀~但全部野放埋一齊好MATCH~~ 都不枉你花左咁多時間~
回覆刪除[版主回覆07/27/2010 23:46:00]嗯...我都覺得客廳幾好呀,間房就亂啲啦......太多嘢喇!!
係喎~ 就係咁快有新款... 都唔係過咗好耐之嘛... (我都係遲你一個月上去買燈) 不過我見果款蜜蜂同魚魚都係得一間有咋~~~
回覆刪除哈哈~ 係呀~ 我都買咗盞蝴蝶嚟做睡房燈呀~~(中咗毒... XD) 因為我怕放廳唔夠光...
不過買完返嚟先發覺同你果款有啲唔同喎.....
我果盞啲蝴蝶冇你咁密，但有十幾粒水晶連住；中間都係可以用慳電膽，但個底盤有8-9粒藍色LED；而個頂係波浪紋，我見你果盞係平頂~
其實月中我去到家合居，一出lift對面果間就見到你盞蝴蝶燈，即刻欣賞吓啦~~ 再細問，呢間仲有正常size同細啲嘅size俾人選擇添呀~ 之後我問間間都冇細size嘅現貨，但可以訂造囉~ ^^
[版主回覆07/28/2010 17:39:00]有LED咪仲靚囉！細size可以睡房用都幾好喎！！
嗯，我初初就係諗住喺睡房開LED好似有情調啲... XDDDD 所以就揀咗呢款... 但冇為意同你買果款唔同... 哈...
回覆刪除之但係我揀果款係冇size選擇呢... 你買果款就有喎~~
不過可能下個月又有喇... 哈哈哈~~~
嘩~~ 你果條蟲仲喺度嘅?! 我記得我果條係綠色架... 不過掉咗喇.... >.<
congratulation! 你的love house真係簡潔又溫馨! 真係design 得好好呀~ 仲有仲有~~ 你的窗簾都好特別wor~
回覆刪除[版主回覆09/27/2010 23:25:00]多謝!!擺咗好多心機落去架,連wedding都冇時間攪,哈哈!!
妳間屋裝修好"令"啊! 見你多是親自四出搜羅屋企每件家具, 實在係佩服啊! 想請教下電視後面塊白色仿磚牆紙, 是否買回來底部已有自動黏貼膠水? 是否自己都可以貼上? 不用專業師傅. 萬分感謝!
回覆刪除[版主回覆05/01/2011 06:53:00]仿磚牆紙唔係自動黏貼架,係裝修cf幫我貼架!牆紙係日本出產，十碼 $530 http://hk.myblog.yahoo.com/phoebekong1117/article?mid=3252
HALO~我都想買燈,我想問下你d燈係長幾多cm架~?
回覆刪除[版主回覆07/06/2011 22:00:00]客廳蝴蝶燈直徑40cm,三頭通花燈全長70cm