最開心係媽咪都好滿意，開頭好擔心佢會話呢樣唔好﹑嗰樣唔好，始終媽咪都係實用行先，我就咩都要靚，而家媽咪都話整得幾好我就放心晒啦！
首先同大家分享吓個美女廚房．．．唔係，係田園廚房先啱！
一入門口就見到淘寶買個屏風，屏風後面就係open kitchen，右邊係客廳
超級迷你田園廚房！臨床實驗証明企三個人都好迫！！
從未曝光嘅西門子抽油煙機同尚朋堂電磁爐，好彩無壞！！
屏風後面嘅不锈鋼垃圾桶購自實惠 $99
個煲同穫都係尚朋堂電磁爐送嘅！真係抵到爛！！
比大家見識吓價值五百蚊人仔嘅拉籃．．．我覺得我比人搵笨！！
好中意嘅通花燈（我知大家已經睇過好多次！）
so far 個廚房都用過幾次，煮過烏冬同整過燉奶，暫時都OK喎！下次會挑戰打邊爐或者海鮮餐！！
應該要開埋張麻雀枱先夠用！！迷你田園Love House的誕生過程請按－－＞裝修篇
好靚呀 ~
回覆刪除[版主回覆07/25/2010 22:56:00]hehe．．．多謝！個廚房只係做裝飾，唔係用嚟煮飯，梗係要整靚啲啦！！
得咁少相嘅??? 仲有其他位呢?? 好想睇呢~~~~~
回覆刪除[版主回覆07/25/2010 22:57:00]唉呀！好努力架喇！！等多一陣啦．．．．．．
我個裝修師傅都話拉籃要RMB480啦...我諗你個個都唔算買貴咗架喇hee!
回覆刪除[版主回覆07/26/2010 00:52:00]咁我都開心啲......
真係好靚喎!!!
回覆刪除我個廚房都係全部白色呀!不過唔係田園Feel...不過希望都靚仔啦!
[版主回覆07/26/2010 12:57:00]你都好有心機攪間屋呀,一定靚啦!!
好靚丫, 細都唔緊要, 最緊要靚!
回覆刪除[版主回覆07/26/2010 22:01:00]係呀!最緊要靚!!
不過而家兩個人就夠住,第時多一個就迫啲啦!
嘩好靚我
回覆刪除我又排先收到樓…好想快d裝修a
[版主回覆07/27/2010 13:02:00]一開始裝修時間就過得好快喇,所以未收樓就要爭取時間做準備啦!!加油呀!!
廚房雖然細細.....但都好靚呀
回覆刪除[版主回覆07/28/2010 00:04:00]為咗唔好嘥咗個靚靚廚房,我要努力學煮嘢食喇!!
淘竇買屏風??咁運費咪好貴lor?
回覆刪除[版主回覆07/28/2010 17:43:00]運費計重量，大約＄９一公斤，物流送到屋企喇，呢間唔算貴！
好靚呀!!! 勁鍾意你個通花燈!
回覆刪除[版主回覆09/27/2010 23:23:00]我都好中意哩! 我都係家合居買架!