之前都有做過rearch，真係勁多MUA選擇，有貴有平，註冊妝under $1000都唔少，不過好多都麻麻哋！over $2000唔洗諗，化得幾靚都冇用，太貴唔值！$1000-$2000都有幾個OK架，不過諗諗吓嗰日又唔請朋友，又唔係大排延席，只係去簽個名食餐飯．．．．．．千幾二千蚊都好似貴咗啲！但係人哋話結婚嗰日唔好自己化妝，會做死一世辛苦命呀！
所以如果我真係自己化，我會留番最後搽Lip gloss呢個step比家姐幫我完成，咁就唔算係自己化妝啦（聽聞係架！）其實我又唔係好信呢啲，我應該點都係做死一世辛苦命架喇．．．．．．雖然我冇學過化妝，不過平時日日都化妝返工，我諗唔會嚇親街坊啩！！其實我最驚係攪唔掂自己個“鐵線頭”！同埋我連試妝都未試過，淨係兩次pre-wedding化過新娘妝囉，但係註冊妝同影相係咪唔同呢？有咩要留意呢？
為咗安全起見，都係去試吓妝先！如果真係啱心水咪book囉，唔啱嘅都可以偷吓師！
約咗聽日去百利免費試妝，第一次去試妝有啲緊張添！返嚟再同大家分享啦！類似呢個髮型幾簡單幾young，加個頭花就好靚啦！不過我都唔識整，得閒自己喺屋企又試吓妝先．．．哈哈！！
我覺得搵人化好囉~~
回覆刪除始終著婚紗&晚裝要set頭先好睇!!!
[版主回覆08/06/2010 22:38:00]我都係咁諗......所以聽日去試妝!
我都認為搵人化好d........妳果日點都會影好多相架嘛....點能夠同平時返工去街化妝雙提並論呢??? 另外最重要嘅係，大日子當日我地應該要好好享受每個細節，點可以攪到自己咁忙碌架??? hehehe.......或者妳再search下有無d 質素又ok，價錢又岩妳架呢...........希望快d 見妳post 話搵到心水 mua 啦
回覆刪除[版主回覆08/06/2010 22:39:00]咁又係!!你book嗰個化得好靚呀!不過我都係搵啲free嘅試吓先!
我覺得搵人化好D 雖然話個人你只係簡簡單註冊~~但都會影相架麻~ 點都用最靚一面做回憶好呢~~
回覆刪除[版主回覆08/06/2010 22:44:00]我都驚第日會後悔呀,不過而家先搵好似好趕．．．
一生人一次，一於搵人化啦！
回覆刪除[版主回覆08/06/2010 23:58:00]嗯...希望快啲搵到啱心水啦!
搵人化啦，wedding day化妝真係唔同平時化妝架~
回覆刪除[版主回覆08/07/2010 00:56:00]好啦,就等我聽日去體驗吓有咩唔同啦!!
揾人化好D !!!都會影相嘛!!!咦!!第一次試粧,期待你個分享!!咦,咁好,有得FREE試粧!!HEHE
回覆刪除[版主回覆08/07/2010 01:40:00]係呀,月尾仲有一個都係免費試妝架!
我同你諗法一樣呀~~搵人化千幾蚊又好似唔抵...但自己又唔識攪個頭喎~~ 等你搵到好野通知我呀...XDD
回覆刪除[版主回覆08/07/2010 22:38:00]試完返嚟喇,不過麻麻哋!
一生人一次嘛！我都覺得應該搵人幫你化好D呀～
回覆刪除[版主回覆08/07/2010 22:39:00]我都想搵個化得好又唔貴嘅......
我都係支持搵人化 , wedding day化妝真係唔同平時化妝架 , 同埋果日係你既大日子你一定好忙 , 化妝係好緊要嫁 , 依d唔慳得 !
回覆刪除[版主回覆08/07/2010 22:46:00]嗯...我都要努力搵個啱心水嘅mua喇!
俾人化啦, 新娘妝唔同架, 要就埋影相, 會比平時既日妝濃
回覆刪除[版主回覆08/07/2010 23:30:00]我今日試咗妝，不過唔係幾得！遲啲會試多個
俾人化好 D 喎 !!! 而家我成日都見到有 D 免費試妝既 , 佢地 D 價錢都唔會好貴 , 因為佢地岩岩出道 , 所以唔會收得貴架 !!!
回覆刪除[版主回覆08/08/2010 22:34:00]我都試咗一個喇,不過麻麻哋!
搵人化、搵人化、搵人化........一生人一次，要靚靚咁見人，點都要豪d，再試下其它MUA啦!!廢事第時後悔呀~
回覆刪除http://www.youtube.com/watch?v=mYn23fg-bO4
呢度有好多教set頭既youtube，得閒試下自己整!!!
[版主回覆08/08/2010 22:36:00]我有睇過呀,我試過自己整呢個Lady Gaga頭......梗係失敗啦,哈哈!!