一開始mua有問我想整咩頭，我話要側髻同埋蝴蝶髻．．．可能係我冇講清楚，我係想要young嘅側髻，最後變咗復古側髻！而蝴蝶髻係冇整到嘅，唔知係佢唔識整定冇時間，想一嘗心願都冇機會添！不過第一次著掛都幾得意吖！我應該唔會再有機會著啦！
第二個造型係mua自己決定，好wild，其實幾型架，不過梳起晒啲陰唔襯我方方面囉！同埋好似老咗幾年！
我見佢個blog啲相都係每人整三個造型，我只係整兩個已經用咗三個鐘喇，可能我太多頭髮，又方方面，要勁打陰影！其實佢都好快手／熟手，不過始終唔係比錢試妝，係for影model 相，所以整出嚟唔係我想要嘅嘢！現場睇眼妝勁濃，下眼線畫到黑晒，假眼睫毛用公主李交义6，但我唔中意眼尾加長款，我係要大圓眼呀！粉底色略嫌深咗少少，可能要遷就閃光燈啩！連牛牛都話現場睇我黑咗喎！
化得最好係遮到我眼袋同黑眼圈，Good！其實我都有啲想比$300正式試多次妝，見佢幾熟手又幾nice，試咗3次妝覺得呢個最pro，佢話真正新娘妝會化番淡啲，唔會好似今次咁！
＊＊ 註意：大家如果喺佢個blog見到我張妝前相要保持鎮定！我自己都有啲嚇親！哈哈！！只怪自己玩通宵之後去試妝．．．．．．
呢個真係化得幾好喎~ 你唔講真係唔知新娘試妝model同試妝既分別~同埋原來要POST妝前妝后相架 ><
回覆刪除[版主回覆08/30/2010 15:07:00]現場睇好濃妝,影相就啱啱好!!不過造型唔襯我囉,當去玩吓都ok架!
hey this one so fun! you looks good in this kind of kwa bor~~~~
回覆刪除[版主回覆08/30/2010 22:34:00]thanks!我都係第一次著掛,幾得意!
復古側髻好靚喎~ 好有女人味呀!!
回覆刪除[版主回覆08/31/2010 10:35:00]真係咁有味??不過我麻麻哋中意啦!我都係中意少女味多啲,哈哈~~
我中意個褂頭喎！幾靚幾有味道！不過如果換過d花花頭飾會仲好囉！ 個晚裝look就冇咩特別！又唔係你嗰d超大圓眼妝！ 你去之前知唔知呢個係“新娘試妝model”同埋要post妝前妝後相？點解咁有勇氣呀！？
回覆刪除[版主回覆08/31/2010 13:41:00]我唔like個髻咁大舊囉！ 晚裝look太老啦...... 哈哈!知呀,不過唔知嗰日咁樣衰之嘛!最衰你啦!上嚟玩!!
個褂頭幾好呀. 好特別呀!
回覆刪除[版主回覆08/31/2010 13:45:00]可能我睇唔慣咁大舊嘢...
兩個look我都唔鍾意!!
回覆刪除[版主回覆08/31/2010 14:01:00]me too! 都唔襯我! 唔洗錢當玩吓囉!
造型太成熟, 真係唔襯你, 好在唔駛錢 ~
回覆刪除[版主回覆08/31/2010 17:12:00]係啦...老咗幾年!!
會有TAKE 4 嗎?
回覆刪除[版主回覆08/31/2010 20:40:00]em......考慮中,不過唔係free架喇!
我覺得個妝化得好靚，始終影相後係要過鏡，同現場比係要濃好多!!!頭形上，兩個頭形就真係好似好古怪咁，出黎效果真係老左好多咁..... 既然唔使錢，一於玩下就算，下次試頭時記得唔好搞d咁既形啦!!!
回覆刪除[版主回覆08/31/2010 23:08:00]呢兩個髮型都唔啱我呀,真係老咗好多,方方面又露晒出嚟,不過試吓新嘢都幾得意!
哈哈,你著左褂同埋set 左o個個頭, 好有賢良淑德o既感覺呀...hehe...不過晚妝o個個look 又化得几好喎~
回覆刪除[版主回覆08/31/2010 23:10:00]賢良淑德??hehe......
化妝都ok,不過髮型真係睇唔慣囉!
個妝化得好過之前個d喎!!!但set頭痳痳....紫色衫個頭set得好成熟....
回覆刪除[版主回覆09/01/2010 10:30:00]係啦,老咗幾年!其實真係好多髮型我都carry唔到!!