所以要花啲時間整理一下，大家耐心等候啦！
首先同大家分享一個不愉快的開始！！
呢架就係傳說中全球最大空中巴士A380喇，我又覺得冇咩特別！原來4程機只得1程係搭A380咋！係我誤會咗定被騙？？
飛機餐一般，係勝在有Haagen Dazs雪糕，不過得Strawberry favor我又冇咩興趣！
啲戲都好新，終於睇咗Toy Story3喇，我真係out！！
（其實所有星航都有戲睇，not only A380！）
有毛氈比你，Good！我最怕凍！（其實所有星航都有，not only A380！）
三個幾鐘就到singapore喇，要搭Skytrain去Terminal 2先可以轉機，不過好方便，一落機已經有個broad show晒咩航班去咩terminal轉機，仲有埋機場地圖比你！讚！！
星加坡機場周圍都有OSIM按摩器，唔知係咪free呢！？
轉機唔洗自己攞行理，所以唔係好趕，慢慢行再去埋toilet都得！
星加坡轉機去馬里要4個半鐘，唔係A380嘅飛機餐都唔差，只係杯雪糕由Haagen Dazs變為馬來西亞品牌King's！
原來馬爾代夫位於南印度洋，喺斯里蘭卡西南面
去到Male喇，最like呢啲行落地面落機！
馬里機場好細，得3條 luggage belt
阿Jack喼陪我去咗好多地方架，竟然撞凹咗！！
機場間bank好似佈景咁！
最精彩嘅時間到喇．．．．．．
一出機場唔見有Holiday Inn Male嘅人舉牌，我哋兩個傻吓傻吓行咗兩個圈周圍搵，原來Holiday Inn staff 比一群大陸朋友包圍住，到佢哋行晒上車先到我哋報到！staff 手上嘅guest list有幾頁紙，但係搵咗好耐都冇我哋個名，仲有一pair大陸人都係一樣！Why Why Why？？？之後有個staff 姐姐行埋嚟，好年輕仲識講流利普通話and廣東話，佢話我哋有voucher應該冇問題，咁都定啲！不過都要同travel agent check番，但係當時係夜晚10點幾，即係香港零辰1點幾呀（馬里慢香港3小時）！！邊個幫你check呀！？
等咗一輪都check唔到（意料之中！），年輕姐姐唯有話送咗我哋去酒店再check！我哋就係坐喺呢度等，又累又冇冷氣！後面講電話嘅就係年輕姐姐
去Holiday Inn 要搭快艇6分鐘．．．
再轉車．．．呢程車轉個彎就到！我哋落車時已見到年輕姐姐行咗入Lobby！！
我哋坐喺Lobby隔離嘅Cafe等佢哋繼續check．．．最後都係check唔到．．．年輕姐姐唯有安排我哋上房！慶幸嘅係當晚唔係full booking，仲有兩間房比我哋同另一pair大陸人！但係當時已經係香港時間3點幾！！
好彩間酒店又幾得喎！
拉起木簾就見到bathroom
仲有大大個雨淋花灑
不過冇牙刷provide，要打電話問佢攞！
不過Holiday Inn安排都幾好，幫我哋check埋Inocean Villa嗰邊有我哋個名！seaplan係8:15am，所以7:45am check out，6:45am就要起身梳洗食早餐喇！
影完相拿拿淋沖涼瞓覺！期待明天seaplane to Angsana Velavaru～Inocean Villa
好期待呀~~你聽日去Angsana Velavaru呀!! 點解會無名GA,個AGENT點做野~~~ 你唔係經SIA BOOK GE咩?
回覆刪除[版主回覆11/06/2010 00:29:00]我經sun n sea book架,到而家都唔知點解!!!
做咩咁唔開心話黑仔????
回覆刪除嘩.....菲比有Haagen Dazs雪糕食 點解我地冇既 ..........
我在機上都係睇 "Toy Story3"
[版主回覆11/06/2010 00:32:00]酒店guest list冇我哋名,攪咗幾個鐘先有房,仲唔黑仔!!
好正呀~~都唔算黑仔呀....
回覆刪除不過有少少肉痛你個阿Jack喼~~~
[版主回覆11/06/2010 00:34:00]係啦!我好中意個阿Jack喼架!!次次去旅行都有人眼甘甘望住"佢"架!!
都唔係好黑啫。留少少特別回憶嘛
回覆刪除[版主回覆11/06/2010 03:47:00]好彩最後都順利啦!!
我都好鍾意阿jack0家~~~^^ 個喼竟然會凹咗=-=勁!!
回覆刪除[版主回覆11/07/2010 15:38:00]係啦,肉痛屎我!!
嘩, 2千幾張相!!!勁!!!
回覆刪除我鍾意你個雪糕....我上次去歐洲都冇咁好既野食!!
[版主回覆11/07/2010 22:55:00]都唔係餐餐好食架!
原來你去新加坡,我仲成日以為你去吉隆坡
回覆刪除仲成日喺吉隆坡睇吓見唔見到你添 : p
你地咁早就到喇,我地成HK時間零晨5:00先到呀
[版主回覆11/07/2010 22:57:00]哦...原來你搭馬航我搭星航呀!!不過我真係喺馬代撞到另一個blog友仔呀!!
超於迥, 同我去麼麼茶一樣, 轉來轉去, 你重慘d ,搵名都搵唔到!!!!
回覆刪除[版主回覆11/09/2010 14:58:00]我都想去樂浪島呀!不過年尾close去唔到,而家睇怕有排都冇機會喇!!
我係坐馬航...不過都係睇toy story 3 (我諗大家都係之前攪wedding冇時間睇haha)...我都有黑仔野...不過係回程: 我要停留吉隆坡玩...佢地竟然送左我D行李去轉機...好彩未開機...不過都白白等左個幾2個HOURS先拎得番...WATSE TIME 又冇得CLAIM保險 (6個HOURS以上先有!!!!!)....好彩其餘時間尚算順利 -_-"
回覆刪除[版主回覆11/09/2010 14:59:00]嘩....如果真係開咗機就大件事喇!!好彩趕得切咋!!
激屎人！攪咗咁耐等咗幾個鐘都唔送番啲紀念品比你補數！！ 我都好中意行落地面落機呀！！
回覆刪除[版主回覆11/09/2010 14:59:00]真係蝕咗啦!!飲品都冇杯!!
出年去law....都唔貴......上次我去12,xxx for 2個人...如果你而家早d在air asia訂票, 有d去馬來西亞的機票好平, 上次同我地同行的朋友, 一早在大半年前book張機票, $1,000 for 4程機, 平到笑。
回覆刪除[版主回覆11/09/2010 16:06:00]air asia成日都有特價機票,不過我哋好難咁早plan定lor...
又會咁都得嘅
回覆刪除係酒店出問題or agent?
[版主回覆11/09/2010 16:05:00]都而家都係一個謎!!
好彩妳地最後都順利, 不過如果真係遇到d咁的事, 真係會嚇死!
回覆刪除其實我都睇過其他blog友都有類似經歷, 就係去到male一出機場搵唔到酒店的人, d counter又close晒!!!!
死la, 我好擔心依樣野, 夜媽媽起邊到搵人喎!
[版主回覆11/14/2010 15:49:00]咁又唔會搵唔到人,只係佢哋行開咗啫,嗰日都有3-4個職員接機架,同埋male啲人都好nice,其他resort staff見你眼望望都會主動問你搵邊間resort!!
咁我都放心d, 因為睇過好多blog友都話去到d counter閉晒, 又搵唔到人問.
回覆刪除我第一晚唔係住起male, 我地會住angsana ihuru.
[版主回覆11/16/2010 09:57:00]係喎,你book sia住angsana ihuru架喎!仲正啦!!
隻行李箱打凹左？有無得賠呀？ 架機大左，位有無闊落左呀？
回覆刪除[版主回覆12/06/2010 21:32:00]返到香港朋友同我講話有得claim架!!當時我又唔識,蝕咗! 位無闊落左呀,都係啱瘦人坐!!
我想問第一晚酒店係唔係間間都有接送架??
回覆刪除你係另外BOOK訂係自己上網BOOK架?
一晚幾多錢呀??
因為我想我未生BB之前都去 馬爾代夫呀
[版主回覆02/24/2011 17:17:00]馬爾代夫應該全部package都包接送架!我搵sun n sea book嘅,平d同埋方便d,多數package都係3+1,即係三晚resort加一晚馬里酒店,我extend多一晚resort,total 7d5n,$20xxx一個人,包晒所有tax/交通接送/早晚餐 不過你要諗吓幾多月去呀,high season 同low season相差幾千蚊一個人架! http://29261668.com/cn/Leisurepackage.asp?id=1491
妳好! 首先多謝妳詳盡的介紹! 我都打算在10月尾去 Angsana Velavaru (In Ocean) 7D5N, 除了 sun n sea, 還有其他travel agent我可以去詢問一下嗎?
回覆刪除[版主回覆02/28/2011 16:32:00]唔洗客氣,可以問下安運吖!