IOV 323咪就係sunset villa囉！單數就係sunset ，雙數係sunrise呀！我出發前都send咗email去request sunset villa，不過回覆一定係subjected to availability！好彩有咋，仲係最近Premier IOV嗰間！
最近Premier IOV有咩好？遲啲話比大家知！
門口有把遮比你用，幾細心！
入門口左邊係mini bar
拉開櫃桶有义可以食杯麵！不過我哋唔記得帶碗去焗福米，所以之後要reuse杯麵個杯！
客廳有張大梳化，講個秘密比你哋知，拉開梳化後面幅簾可以睇日落仲正！
門口右邊係部細電視，勁多雪花！大家可以帶DVD去，唔係夜晚悶死！
有冇發覺我哋未check in？？因為check in係入咗房之後，對住個海景做架！記得copy結婚証書，佢哋會收咗架！
之後職員會介紹resort設備﹑主島設施﹑餐廳﹑Honeymoon offer．．．．．．原來我哋都有得送60mins massage呀！book package時候sun n sea淨係話Spa有20%off，我仲以為送massage嘅offer完咗！又抵咗！！
Resort map．．．上面黃色部份就係main island喇，下面係我哋住嘅Inocean Villa
船期表，碼頭都有貼出嚟
大床喺房中間
第一次住酒店張床唔係對住電視機，而係對住無敵大海景呀！！！
樓底勁高，仲有兩把吊扇
最入面係bathroom
望住印度洋嘅浴缸呀！今晚就嚟個泡泡浴！
洗臉盆有分男女一人一個！
男女浴袍唔同色（白底／橙底）
室內室外拖鞋每人各一
雨淋花灑梗係唔少得！磨沙玻璃可以拉簾遮住
Toto座廁冇咩特別
bath gel﹑shampoo﹑conditioner﹑lotion﹑soap全部都係自家品牌
客廳／大床﹑大床／bathroom中間都可以拉木門出嚟隔開
一出去露台就係sun bed＋infinity pool
右邊係網床，彈番夠本先．．．
網床景觀
左邊係一枱兩椅，枱面有煙灰缸，天台都有一個，室內係禁煙架！
行前啲有樓梯落平台，就係呢度落水浮潛喇！記得千其唔好放任何物品喺呢度！有blogger喺呢度唔見咗snorkeling equipment，要比us$100！！好彩我只係喺呢度唔見咗一塊面包！！
影完一輪相都肚餓喇，嘆番個杯麵先，仲有腸仔做餸！
我哋個自備午餐櫃！
夠食4日啦！
酒店每日都有兩支Still Water＋兩支Sparkling Water，飲晒可以叫人換水！
我唔識開，要交比牛牛研究！
玻璃樽夠環保
食飽飽就搵嘢玩喇．．．．．．
聽你家姐講 你地勁跳彈床喎～ 勁正 對住咁靚既藍天碧海 係我都勁跳喇
回覆刪除[版主回覆11/06/2010 00:43:00]淨係影跳彈床都影咗70張!!哈哈哈
影咗70~!!!! anyway真係好開心呀~!
回覆刪除[版主回覆11/06/2010 03:29:00]係呀,total 7日影咗二千幾張相呀!
好鍾意個泳池連海呀!!!!
回覆刪除你老公好盞鬼, HAHA
[版主回覆11/06/2010 03:30:00]佢同我一樣間歇性低B嘛!
真係正到暈呀!!!!!!!!!!!!
回覆刪除點解可以咁正架!!!!!!!!!!!
[版主回覆11/06/2010 03:32:00]你都就嚟去沙巴啦,仲好正吖!!
當日好好天呀點會黑仔喎~~!
回覆刪除好欣慰TOILET個一人一面盤設計..唔洗成日比人趕走..
[版主回覆11/07/2010 04:17:00]唔洗成日比人趕走...哈哈哈!!!
超五丫!!!
回覆刪除[版主回覆11/07/2010 04:18:00]貴啲都值得!!不過一次就夠喇.....唔係就要宣佈破產!!
嘩, 你間酒店, 超正, 有彈床, 又對住個無敵海景.......
回覆刪除租一晚要幾錢呀?
[版主回覆11/07/2010 23:04:00]一晚要7千蚊呀,不過住多幾晚就有package優惠囉
好靚呀~~ 間酒店真係好正呀!! 搞到我都想快D出發~
回覆刪除[版主回覆11/07/2010 23:24:00]仲有幾個月好快啦!去完返嚟就好失落喇......
佢地會唔會check 結婚証書正本呢? 如果唔check，o係photocopy張結婚証書，再o係上面做d手腳再copy，咪可以有honeymoon offer囉~ wakaka~
回覆刪除[版主回覆11/09/2010 14:07:00]冇check正本架,其實都係架!
無放野在平台? 果然有留意我個blog....(好野!)
回覆刪除你地d 糧食預備仲多過我個時!
[版主回覆11/09/2010 14:10:00]梗係啦,不過都放咗塊麵包,當然被海水沖走咗啦!!
個view真係一流
回覆刪除唔見左面包, 攪笑
好多杯麵呀, 但夠唔夠飽?
[版主回覆11/09/2010 16:09:00]夠飽呀,其實lunch唔係好肚餓,因為早餐太豐富喇!!
點解你唔post我推介嗰啲？？
回覆刪除[版主回覆11/09/2010 18:27:00]嘩哈哈～～～我驚post咗會嚇襯街坊,到時冇人再睇我個blog!!!
唔係喎！我覺得好有效果喎！你post出嚟肯定勁多comments！！勁讚！
回覆刪除[版主回覆11/10/2010 16:26:00]除咗"炸面"仲有邊張呀??三級??仲有呢??
hi, 真係睇妳個blog睇到唔捨得訓, 睇到成5點幾, 真係好正.
回覆刪除我搵sia book, 之前都同佢地講明要佢地同我地request sunset villa, 同埋遠離碼頭, 不過唔知自己再使唔使再sent email去resort再request??? 因為俾咁多錢梗係想去得完美d.
[版主回覆11/14/2010 16:02:00]多謝你中意睇我個blog,我之前都係狂煲人哋嘅blog架,而家咪貢獻番大家囉!
我都有叫sun n sea幫我request,佢哋話唔一定得架,都係睇吓full唔full,咁我咪自己再send一次email去resort再request囉,不過resort reply都係subjected to availability!!!
為求安心, 我都會再send email去resort request.到時唔得都叫做無計.
回覆刪除[版主回覆11/16/2010 09:53:00]係呀,send個email咁方便,send埋啦!
wah........... 我之前都諗住stay係間架 後尾個agent叫我join第二間 咁我地就放棄左Angsana lu........... 間房超正呢
回覆刪除[版主回覆04/27/2011 23:58:00]我覺得Angsana最抵呀，咁你join左邊間呀？
我地比佢sale左book 香格里拉呀 佢話最後果日可以late check out until 18:00 同埋佢話 Angsana 個位太大風 villa下面浮潛唔係咁好wor......... 所以就轉軑囉 但講真Angsana既價錢真係好抵呢 兩層屋仲有泳池一睇就比佢吸引住先喇
回覆刪除[版主回覆05/01/2011 06:55:00]香格里拉好正喎!!Angsana 係幾大風架,浮潛都幾累,不過兩層屋比較大囉!