8點鐘就起身食早餐，日日都係buffet，都幾多嘢食架！
有coffee﹑tea﹑3種fresh juice任飲
jam都有5款
另外waiter會比多個menu你再揀，都係free架
Egg Benedict一定要試一次！係麵包夾住煙肉＋兩隻水煮蛋，一咬啲蛋汁流晒出嚟，勁呀．．．．．．
我哋每日都會揀最開嘅枱坐，最近海嘛！不過唔會坐出面，因為大風同埋攞嘢食要行遠啲！
食早餐最緊要係偷麵包！我哋會攞8-10塊白麵包，記住係白麵包，啲魚魚好似唔係好中意食麥包呀！！食飽飽就行出去碼頭餵魚魚，影吓相拍吓video都可以玩成個鐘架！
餵完魚就返房換衫浮潛喇！見到工人進行保養工作，用幾條木就搭成一個工作台，勁！
又玩自拍．．．
呢張相係家姐推介一定要post出嚟．．．個故事係我同牛牛玩水底自拍咀咀相，點知我忍唔住笑“炸”咗牛牛塊面！！
扮晒嘢．．．
露台有兩張浮床，有blogger話點玩都唔會反，我又試吓先．．．不過有風吹埋嚟好凍呀！唔玩喇．．．
落海浮潛一定要經平台，唔好諗住喺泳池／彈床跳落去呀，好危險架！！
喺泳池試吓mask有冇入水先！著救生衣安全啲呀！同埋一定要著蛙鞋，一來游得快啲冇咁攰﹑二來唔怕珊瑚“吉”腳！
落水喇．．．．．．水深變化唔大，水漲水退相差唔夠一米，由胸口到大腿左右，唔識游水都唔怕！不過我哋去嗰幾日都幾大風大浪，吹到頭都散埋！我見其他blogger到影啲相都冇咁大風！
本來想游出深淺水交界地方，水底下面係懸崖呀，不過有啲浪，牛牛唔比我去呀！（其實我真係識游水架！！
）
游出少少黑色嘅地方（係珊瑚嚟架）已經好多魚魚
海水勁清澈，水底都睇得好清楚，最好係海水唔係好鹹！不過我哋部潛水相機太cheap，影近ok，影遠就好朦！！
海星都係長灘島靚啲大隻啲！
我見到鯊魚BB架，想叫牛牛睇，點知一轉頭就游走咗喇！我望咗一眼咋，牛牛梗係見唔到啦！好彩第二日又見到！
喺villa下面潛一陣又食lunch喇，今日喺露台枱仔食，唔好整濕房入面！
下午join咗House Reef Snorkeling呀！！！
續．．．．．．
笑死我，炸o左牛牛塊面!!!
回覆刪除woo~身材真係好fit喎
雖然你話相機好咋，但我都要借呀!!
[版主回覆11/10/2010 15:39:00]我肥咗啦!梗係揀最瘦嗰幾張放上嚟!! 下星期要借比yuki先呀,月尾再比你吖!
好正呀!!!!!
回覆刪除好多魚魚呀, 佢地有冇啜你呀?
[版主回覆11/10/2010 15:40:00]冇啜我呀,不過有兩條成日圍住我,因為我有麵包味,哈哈!!
D水真係好靚好清～ 好正呀！
回覆刪除[版主回覆11/10/2010 15:40:00]係呀,現場實景仲靚呀!
o的水真係好清丫!
回覆刪除去 馬爾代夫 真係好正!!!
[版主回覆11/10/2010 15:41:00]yup,所以一生人點都要去一次!!
嘩！真係水清沙唔幼呀！ 個相機好似都唔錯吖！應該夠我玩啦！hehe... 你地仲有鬥閉氣嗰張水底相都好攪笑呀！又唔post埋出嚟！！
回覆刪除[版主回覆11/10/2010 15:42:00]部相機星期日比你啦! 鬥閉氣嗰張水底相－－＞邊張呀？？
嘩, 你都好過我, 我都度都大風大浪>.<...攪到我係咁俾D浪吹到影唔到魚魚相... 拍MOVIE都睇到眼花....
回覆刪除[版主回覆11/10/2010 15:43:00]我一張都影唔到！全部都係牛牛影架！ 我有拍movie呀，不過唔識放上嚟．．．
竟然有中文menu咁好既?
回覆刪除我又係唔識游水,上次同朋友試玩浮潛,但好驚呀,所以玩左一陣就閃
[版主回覆11/10/2010 15:46:00]不過係簡體字囉！ 有救生衣都唔會好驚，最緊要身邊ｄ人都識游水可以照顧你！！
嘩~~ 你身材真係好fit 呀~~ 羨慕死人啦!~~! aiya... 我都仲未買泳衣.... 而家轉季好多地方都無得賣... ><!!!!
回覆刪除[版主回覆11/10/2010 15:52:00]梗係揀最瘦嗰幾張放上嚟,見到肉肉嗰d收埋晒! 係呀,而家好難買泳衣呀......你幾時去呀?
水底自拍, 好難呀....我都想影, 不過好難控制呀!!!!!
回覆刪除[版主回覆11/10/2010 18:05:00]呢個水池底有樓梯可以放部相機就好d囉,有d都影得成功架!!
身型好fit呀你......白白滑滑咁!!
回覆刪除馬爾代夫真係點都要去一次呀......我努力游說老公當中!! 哈哈....
[版主回覆11/11/2010 09:16:00]"影後"都叫做見得人...正面個素顏就嚇屎人!! 你哋新加坡去方便好多喎!
個 swimming pool 深唔深水?
回覆刪除[版主回覆11/11/2010 09:17:00]唔深呀,成個pool都腳到地架
我今個星期日出發啦~~ 不過我去澳洲... d 澳幣好貴呀!!!!! ><!!!!!
回覆刪除[版主回覆11/11/2010 09:18:00]而家咩幣都好貴...... 澳洲會唔會潛水呀??enjoy your trip!!
咦 .... 唔使有專業人士帶住先可以落去浮潛架 ???
回覆刪除[版主回覆11/11/2010 10:27:00]浮潛唔洗架!深潛先要!
小妹, 你係咪為左honeymoon減肥架? 定係不嬲都咁既身型?
回覆刪除爆fit呀!!!! 好羨慕呀!!!! 仲要皮光肉滑^^
[版主回覆11/11/2010 13:40:00]唔係減肥呀!我搬咗屋之後肥咗喇!! 因為出世時share咗一半肉比家姐,所以由細到大都算瘦囉!!
依...妳帶埋維他奶去tim阿,勁!
回覆刪除[版主回覆11/14/2010 16:09:00]哈哈!!係呀!!!雖然resort有水供應,不過好似好dry嘛!!其他飲品又超級貴,汽水最平都要五蚊美金!!!自己帶維他奶過去都係放入喼寄艙之嘛!!!
好提議, 照跟.....哈哈.
回覆刪除[版主回覆11/16/2010 09:47:00]仲有記得放入room嘅雪櫃!
你部潛水相機都影得好清楚wor....一部貴唔貴ga??
回覆刪除[版主回覆03/15/2011 22:32:00]http://hk.myblog.yahoo.com/phoebekong1117/article?mid=6348
$799咋!!不過影深水就差少少啦!