！聽講話好full，去到先join會冇位！點知上到船又冇我哋名，好彩嗰日唔full我哋可以照去
！ 如果大家去嘅話，第一日check-in時double confirm吓booking好啲！！兩點半出發去House Reef Snorkeling喇！
坐船去到遠啲都係深淺水交界嘅地方，都有啲浪呀，不過有救生衣都ok！淺水都唔到地架，終於見到水底下面嘅懸崖，好amazing！深水地方係好深，望唔到底，好黑．．．．．．我哋部相機又影唔到！
都好多魚魚，不過唔係勁七彩囉，可能我期望太高！好多相都好朦,唔post出嚟喇．．．
四點玩完返去沖涼，book咗六點做 honeymoon offer送嘅head & shoulder massage，話就話60mins，其實扣埋登記﹑準備﹑休息囓時間．．．30mins都冇！可以揀力度strong or medium，我揀medium好似抓痕咁．．．．．．唔洗錢，算！
個個都會影嘅resort logo，好似話用石頭砌成
做完massage差不多7點，攞支紅酒上天台等睇日落！
呢張相係咪好勁？我擺個太陽眼鏡喺鏡頭前面影！！！
幾無聊都有！無錯，去嘆世界就係咁無聊架喇！
呢張堅嘅，冇做手腳！
塊披肩吹起都係堅嘅！！真係真係好大風呀！！！
越來越多雲，遮住晒睇唔到日落喇！
又去餐廳等食飯．．．hae嘅日子就係咁過．．．．．．
今日係星期六，set dinner無啦啦變咗buffet，blogger明明話星期二先係buffet！我記錯咗！？
超級搵笨，唔好食，選擇少！
甜品都麻麻．．．．．．影得咁少相就知咩事啦！
好快食完返房，又有小禮物．．．．．．係紫色海星呀！！
梗係假架啦！！
仲有2塊handmade cookies添！不過有少少淋咗！
本來想叫牛牛陪我游夜水，點知．．．．．．出到去見到咁黑已經縮沙喇．．．．．．
都係早啲瞓啦．．．．．．
紫色既海星....開心屎你啦，因為你係紫色怪!!wahaha
回覆刪除[版主回覆11/11/2010 09:34:00]yeah!!!
回覆刪除very good view...!!
hahaha is that they know you like purple ar??!! give you purple sea star~~~!!
[版主回覆11/11/2010 09:38:00]they dun know ar!!
點解成日都冇你地名？你地點登記嫁？？ 點解第一張相Ｄ黑忟忟腳喺上面fingfing下咁得意？隻船有兩層？？ 個紫色日落view好正呀！！
回覆刪除[版主回覆11/11/2010 23:38:00]可能我哋去到冇double confirm啦
架船兩層架,d職員同d小朋友上咗去玩囉!
回覆刪除水底既相，你可以試下用photoshop tune colour tone，我潛水d相都要執架，因為光入水後，會為深度減去某種顏色，用photoshop執有d相可以出番原色架~
[版主回覆11/16/2010 10:04:00]唉......如果我識photoshop就好啦!!