馬爾代夫Honeymoon～Day6～Part2：Main Island Spa

11點去到reception放低條key就走得，仲未埋單架，因為下午3點9先有seaplane走，呢幾個鐘可能仲有消費架嘛！

要睇吓阿jack有冇超重先！

等船去main island又影吓相．．．．．．

牛牛見到隻可愛貓貓做封面鬼咁開心，仲要我幫佢影相！平時就請佢都唔願影！！

又攪人哋架單車！係工作人員用架！

仲據為己有添！！

原來成個resort最靚view就係reception！！

好想跳落去呀！！

有船喇，仲係快艇添！

自家快艇幾型仔！

一落船又餵魚魚食早餐

我唔係扮印度西施呀，只係去做spa之前冇搽sun block咋！！我唔想成面雀斑返香港呀～～

呢間就係main island 嘅spa center喇！blogger話好過inocean嗰間，等我親自試吓先！（inocean嗰間我都覺得一般！）我哋喺香港已經send 定email去book，揀咗Duet 150mins session，諗住有晒body polish﹑body & face massage同埋jacuzzi，點知原來package係冇20%off 架！淨係massage先有honeymoon discount 呀！！蠢豬咗！算啦us$130又唔算好貴，泰國都差不多價錢啦！一於照做！！

除衫都要玩．．．

做完磨沙之後就係呢度沖涼喇，之後再做massage

做完massage就係呢度浸jacuzzi，不過唔係floral bath，唔係bubble bath，好似加咗bath gel咁囉，氣味好怪！即係難聞！！

浸完之後有嘢飲有橙食，不過有啲趕，jacuzzi連埋沖涼大約得半個鐘！！

呢個Spa一千蚊我覺得唔貴，不過冇泰國咁舒服﹑冇長灘島咁嘆囉！但係honeymoon喎，一場嚟到都可以一試吖！

做完Spa諗住去main island reception講我哋想喺呢邊check out搭seaplane走，今朝 Inocean Villa個staff 話可以的，只要講低 room number就可以呢邊check out，佢哋會幫我transfer行李，點知呢邊個staff 話佢哋冇guest今日走，叫我哋返過去 Inocean Villa check out 喎！！ 嗰時啱啱開咗兩點半架船，即係我哋又要等多一個鐘！ 咪唯有周圍行吓囉．．．．．．

又扮印度西施．．．我唔想架！！支sun block喺喼入面呀！！

牛牛等埋我呀．．．我好熱呀！！

就嚟中暑．．．

三隻藍色好靚呀！！

終於搵到個太陽伯伯晒唔到嘅靚位！ 後面呢間FUNA水上餐廳係half board唔包架，好似係seafood restaurant，唔平囉！

魚魚又開餐．．．好彩準備咗大量麵包，唔係呢一個鐘頭都唔知點算！！

冇晒麵包喇，入番reception坐一陣就可以搭船返去喇！

續．．．．．．