揀酒樓...冇我份!

淨係親戚食飯都要十圍，真係離晒譜！！個個都叫我哋不如擺酒，反正食飯都咁多人，其實我諗諗下都有啲動搖架！！呢排成日search wedding嘅資料，見啲婚紗晚裝幾靚呀！連花車同結婚公仔都睇中咗喇！而家話要擺酒我都ok架！不過算啦．．．牛牛好堅持！因為佢真係好低調！

咁就search酒樓資料啦，酒店唔洗睇啦屋企人食飯啫！我好耐之前已經睇中大舞台喇！特高樓底、三角琴、水晶燈，環境特別，但係我哋得十圍又包唔到場！屋企人食飯又好似唔洗咁grant，最後牛牛reject咗！

皇上皇早幾個月喺九龍灣開咗新分店，都好靚架！仲有戶外花園，一大班煙民親戚fit晒！不過好唔就腳囉，又reject！

百樂門又係靚野，九龍灣有花車march-in，新娘房有得沖涼，勁誇張！不過都係唔方便！銅鑼灣同尖東又太大！都係果句啦．．．企人食飯啫，好似唔洗咁grant！

就係咁．．．三間心水酒樓都冇我份！！