準備台灣婚紗相之旅～邊間酒店好？

機票已經book咗喇，喺Priceline book長榮，不過唔知係咪太遲book，最早去同最遲返嘅 flight貴咗一百蚊呀，所以我哋揀咗１２點去４點幾返，連埋tax兩個人total $3166

酒店方面，頭兩晚揀咗友春，雖然舊啲，但係因為近啲非台同埋有按摩浴缸都係$525一晚，影完相咁攰可以浸個泡泡浴，正！

最後一晚酒店仲諗緊邊間，之前想book台北戀館，不過最想住嘅兩款房都 book唔到，失望！！仲有另一間候選Motel就係Wego薇閣精品旅館，都係美麗華摩天輪附近，全部房都有按摩浴缸同蒸汽室，包早餐buffet，早餐間餐廳係迷宮design呀！不過夜晚10點先可以check in，第二朝10點check out，得12個鐘！

http://www.we-go.com.tw/dazhi/index.aspx

“Red” $650（10坪）～最平，間房細啲，個按摩浴缸喺張床前面！不過紅色design幾型，張床好似太空館咁!

“費加洛婚禮” $775（12坪）～銀白設計，圓形大床，浴室有電視！

“異想樂園” $1050（24坪）～間房大好多，有雙人浴缸，仲有我最愛嘅木馬，不過貴啲！

如果台北戀館就得“希臘地中海”比較啱feel，因為有我最愛嘅馬賽克浴室！都有按摩浴缸同蒸汽室架！$800一晚（18坪），夜晚6點可以check in至第日12點，有18個鐘又好似抵啲！同埋早餐會送到房，可以喺床上嘆早餐呀！

我嘅選擇困難証又病發喇，點算好呢？