2010年3月11日 星期四
按揭批咗喇！
今日lunch同牛牛上咗律師樓簽文件，個律師係朋友仔介紹，$4800全包都幾抵，最緊要係跟得好！聽日就比大訂，不過我哋之前同業主傾咗４月３０交吉，因為預計mortgage要６星期批，我哋４月中又去台灣，所以預鬆啲！
按揭我哋問咗HSBC﹑BOC﹑恆生同經絡按揭，經絡好廢，send 咗一個email 嚟之後就影都冇，自己攪好過！其他就間間都差唔多offer。
３月２日填 form 比文件，點知今日收到BOC電話已經批咗，HKMC都批埋，咁高效率，前後１０日就批到！如無意外聽日就confirm BOC啦，個經理幾有誠意，我哋係做H-plan
H+0.7% (1-month) or P-2.5% (P=5%)
cash rebate：0.65% of loan amount
罰息期：1st year ＝ 2% of loan amount，2nd year 冇罰息只須退回cash rebate
Partial payment：1st year＝還款金額1%手續費
不過一定要幫佢買一年火險，$1500一年送多一年，仲送多一年家居保，其實都好抵，反正火險都一定會買，而家仲平過出面好多添！
訂閱：
張貼留言 (Atom)
我過年前都做咗按揭, 做 HSBC 最抵, 佢估價估足哂, 仲有 P減 3利息, 全港最抵, 而且, 佢地仲做貸款1%回贈, 即係借1,000,000, 會有一萬蚊現金回贈。不過, 呢d優惠唔知而家仲有無, 因為我地係過年前批架, 當時剛剛有呢d優惠 ~
回覆刪除[版主回覆03/11/2010 22:42:00]BOC都有P-3%,不過我哋prefer Hibor, HSBC H-plan得0.5%現金回贈,同埋個經理仲未覆,所以唔考慮佢喇!
你個律師費確係好低喎, 我話平都要$5,300, 不過, 間律師行跟得唔足~
回覆刪除[版主回覆03/11/2010 22:44:00]我哋都算好彩呀,個律師係朋友介紹,仲話熟人先做,不過都跟得好好!
嘩~好深呀...
回覆刪除如果第時我有需要一定搵你幫我!!!
[版主回覆03/11/2010 22:44:00]快啲啦,快啲搵我啦！！
哦, 咁 Hibor cash rebate 確係少d架 ! 可能我做 fixed rate 先做到1%啦 ! 我朋友係HSBC做, 所有野都我地攪好哂, 所有優惠都俾足哂, 仲俾突哂, 我地根本無比較過其他銀行, 一直都以為HSBC係最抵 ! 不過, 你而家 BOC個 offer 都 ok 喎, 恭喜你又煩少一樣野啦 ! 睇樓, 攪按揭, 上律師樓, 最煩既野你到做咗, 可以安心靚結婚啦 ! 你地幾時收樓呀 ? 記得收樓前驗樓要驗清楚, 呢part好重要 ! 我星期日約埋家人一齊去驗樓啦, 下星期一可以收樓, 好想快 d 收樓呀 !
回覆刪除[版主回覆03/11/2010 23:57:00]恭喜係呀!咁快收樓,你就好啦!我暫定4月尾,諗住confirm晒按揭就問吓業主可唔可以早啲成交,我都想快啲開始裝修呀,呢part先最煩!!
唔算快收樓架啦, 我地2月頭買架, 個業主一家三口, 有個手抱BB, 當時又就嚟過年, 所以個業主要求我地俾佢地拖耐d時間, 等佢地有多d時間搬。我地好好彩, 因為我地無裝修既budget, 所以本身唸住買間新淨d既樓, 點知俾我地睇到呢間, 個業主上年4月先新裝修, 間屋裝修得好靚, 仲包全屋三部冷氣, 熱水爐, 煮食爐, 所有入牆傢俬, 全部都好新。所以, 當日我地睇完樓, 當晚再約埋屋企人上去睇, 就即刻簽約啦。個經紀都話, 呢類盤買少見少, 要買真係要好快手, 個主業都係放咗盤唔夠一個星期。雖然間屋咁新煩少好多, 但下個星期一收咗樓, 我地要大清潔, 有d牆身要油返, 要開始搬, 又要睇家俬電器, 會好忙~
回覆刪除[版主回覆03/12/2010 12:04:00]裝修咗唔夠一年就賣,你哋真係好好彩呀! 我間屋1月尾confirm買架,攪到而家都未得,仲係舊樓咩都要拆晒再整!
原來你同我住得好近哦!!
回覆刪除[版主回覆03/12/2010 11:59:00]九龍灣??
係呀, 睇得出佢地花咗好多心機去裝修, 只係生咗個BB唔夠地方, 想細屋搬大屋
回覆刪除恭喜哂, 又煩少一樣, 我有排先收樓, 起碼8月
回覆刪除[版主回覆03/13/2010 15:51:00]8月收樓咁裝修咪好趕囉? 不過你係新樓都冇嘢攪啦!! 真羨慕哦!!
你就好啦,我得0.6%咋,律師費又貴要6k,最慘係boc個sales同律師廢都不得了,經紀介紹既都唔係好野黎
回覆刪除[版主回覆03/14/2010 00:20:00]boc個sales都係經紀介紹架,都幾好,不過律師要5千幾,所以我搵咗朋友介紹嗰個,咁你幾時入伙呀?
會好趕架! 希望唔好遲收樓啦
回覆刪除[版主回覆03/15/2010 20:34:00]如果你真係8月尾收樓都ok吖,早啲睇定傢俬電器囉!
您就好啦，攪得咁快手，雖然我地已經攪掂哂，但諗返果時真係頭都痛，我地又係衰嘅，揀正新年前後時間，將心俾己，個個做野都一定心散d 架喇，哈哈~ 我地都係揀BOC做 Hibor, d terms 同您差唔多.....anyway...恭喜哂~
回覆刪除[版主回覆03/16/2010 17:47:00]多謝你呀! 其實我哋1月已經confirm架喇,係個業主麻煩,攪到我哋3月先可能申請mortgage!
我想請問你知唔知出面買火險大約要几錢ga? 你地1500蚊買一年送一年, 即係七百几蚊一年jar wor, 即係好平? thanks ^^
回覆刪除[版主回覆05/04/2010 18:10:00]應該要睇番樓價同保啲咩架,我問過我用開嘅bank,折咗都要成千蚊一年,所以我諗呢個offer算平囉!