我哋要買嘅傢俬有床﹑衣櫃﹑鞋櫃﹑電視櫃﹑梳妝台，諗咗好耐訂造定買好！因為我想全屋都統一係全白歐式田園feel，最好有浮雕﹑有波浪邊！唔要手繪﹑唔要碎花﹑唔要四四方方嗰種！
之前睇過好多地方，實惠﹑DSC 夠平不過唔啱feel，IKEA質料太差，九展又多款又靚不過貴，淘寶夠平不過手工差仲要自己砌，深圳計埋運費匯率都唔平又多黑店，所以最後就睇埋香港訂造！
上星期六我哋去咗深水步元洲街同青山道，原來幾條街都係傢俬鋪，差唔多間間都有我想要嘅白色田園款，有幾間啲款喺深圳同淘寶都冇見過，唔知係咪真係香港造呢？亦可以比相佢哋照住造，間間價錢都差唔多。網上好多人推介裕興發，但係佢比本相簿我睇，全部都係淘寶啲相，我都儲齊一套啦，多過佢添！佢display個衣櫃同床又唔係好靚，不過有人喺佢度造過話幾好，其他鋪就冇人有comment，咁點好呢？
佢哋間間都係用纖維板，深圳同淘寶就自稱係實木，裝修間嘢就話用夾板，咁究竟邊樣好啲？纖維板會唔會好唔襟呢？
４" x 6" 油壓雙人床 $2680-$3080
7" x 7" 大衣櫃 $850-$880 / 呎
5" x 7" 鞋櫃+玻璃飾櫃 $850-$880 / 呎
2.5" 梳妝台+鏡+櫈一套 $1980
想造呢款田園公主床，加唔加紫色“軟淋淋”床頭板好呢？牛牛就話唔好，不過我覺得都幾靚，又可以挨吓！
田園衣櫃有三款心水，呢個波浪紋簡單啲！
呢個有浮雕，不過唔知佢哋造唔造到！
“窗口”款最田園！
鞋櫃+玻璃飾櫃都係襯埋一套架！
我同你唔同，我比較日式，而且大部份都係ikea同muji 不過床真係好難搵，你不如睇左床裖先好d，因為有排試 木板黎講 實木-> 夾板-> 纖維板 實木當然最好，夾板有分大蕊細蕊， 纖維板同壓縮板差唔多 但要留意佢比乜野木你
回覆刪除[版主回覆03/27/2010 16:58:00]床裖我唔洗買呀,因為搬出嚟住嘅時候買咗,都係1,2年!
咁即係香港訂造啲料最差~~
我舅父佢地張床有床頭版..點知生左小朋友之後...塊版比小朋友整到污濁哂呀!!!
回覆刪除[版主回覆03/27/2010 21:58:00]咁咪好嘥!床頭板好似冇得拆架喎!
我自己會唔相信大陸賣料既人，雖然兩者都係大陸做，但係香港買有乜事都好似好d咁，你睇下ikea丫，佢都好似有類似既就唔好諗訂做了，除非你經裝修間舖啦
回覆刪除[版主回覆03/28/2010 18:00:00]我而家諗住香港訂造呀! 我都覺得香港穩陣啲,不過未揀定邊間傢俬鋪囉! 裝修間舖收得好貴呀!造三件嘢貴成萬蚊!!
佢仲要係米白色皮 =.=" 無得救了
回覆刪除你無開MSN ?
[版主回覆03/28/2010 01:00:00]oh...我都會買白色床!!
你搵裝修個d梗係貴d啦，出面傢俬舖都可以做到既，不過我裝修個師父話如果買到現成就買現成啦，訂做一定貴 係喎，你張新相好靚咁喎
回覆刪除[版主回覆03/28/2010 22:26:00]哈哈...多謝!
間屋又有橫樑又有柱,唔知買現成啱唔啱呀!我又未收樓,仲有一個月先可以上去度呎,而家樣樣都睇吓先囉!
我近期開始周圍睇傢俬, 我都有興趣返大陸買, 可以教路嗎? 是否在羅湖坐的士去笋崗就 ok ? 是否圍繞傢俬城附近都是大型傢俬廣場 ? .
回覆刪除[版主回覆03/30/2010 11:30:00]羅湖or皇 崗 坐的士三十幾蚊好快到,田貝四路或者寶安北路落, 我試過搭巴士諗住慳錢,要半個鐘有多! 寶安北路成條街都係傢俬廣場,田貝四路就主要去"五方家居"同"家合居"
我剛去訂了裕興發, 4月頭送貨, 貨到看OK否...係呀, 佢沒有什麼款, 係要給足圖佢抄KA..要DESIGN COMMENT 就唔可以去佢度...
回覆刪除[版主回覆03/30/2010 22:39:00]好多人喺佢度造d comment都好似幾好,不過唔知比款佢抄唔抄得足呀!!你到時會唔會post啲相出嚟呢?
可以去邊到揾到更多深水埗傢俬資料 ? 我嚟緊easter會周圍睇傢俬
回覆刪除[版主回覆03/31/2010 22:50:00]我上網search過得好少,只係有人推介" 裕興發", 所以我咪自己行一轉囉!裕興發喺青山道,元洲街都好多傢俬鋪架!
你好呀！咁傢俬方面你諗住返深圳定係香港訂呀？ 我都要搵哩方面既資料呀......聽人講返深圳好平，不過好似又唔係咁放心，係香港又貴.....唉~~~~
回覆刪除[版主回覆03/31/2010 23:39:00]傢俬香港訂呀,深圳好多bad comment!!! 地磚,燈就深圳買平好多!
你好！咁你打算係邊間訂呀？有無好介紹呀？謝謝！
回覆刪除[版主回覆04/03/2010 14:48:00]有人推介深水埗" 裕興發",可能我都會搵佢造,話晒有人試過好似穩陣d!不過另一間叫"達毅"d款好似靚d,我會再去睇吓先!
多謝你介紹, 我都想搵田園傢俬, 我會去深水埗睇下, 希望搵到 d 實淨d.
回覆刪除[版主回覆04/03/2010 18:08:00]深水埗全部都係用纖維板架,如果想實淨d就要夾板,裝修師父造應該都會用夾板,不過相對會貴d囉!
咁深水埗你有無邊間介紹呀 ? 我依幾日都會去睇.
回覆刪除[版主回覆04/04/2010 00:13:00]有人推介深水埗" 裕興發",可能我都會搵佢造,話晒有人試過好似穩陣d!不過另一間叫"達毅"d田園款好似靚d, 喺元洲街,你可以去睇吓
十分十分多謝你呀 ! 我聽日會努力搵下, 到時等我同大家分享下.
回覆刪除[版主回覆04/04/2010 17:05:00]希望你快d搵到想要嘅款啦!
我去左裕興發啦, 佢 display d 傢俬好似實淨 d. 達毅 d 木就好似有甲全味, 要小心 d.
回覆刪除不過我問裕興發 quote 個價貴過你寫依個. 衣櫃同廳個飾櫃要 $950/ 尺.
[版主回覆04/06/2010 00:10:00]我睇咗你個post喇!
可能我未講要做浮雕﹑波浪邊嗰d!我去嗰日designer唔喺度,好問個姐姐咋!
中纖板,夾板,實木邊隻最好? 當然係實木啦~但你千祈唔好信深圳或傢俬舖話自己係實木,打死都唔信.實木好貴GA!! 幾千蚊,萬厘蚊貨仔邊可能搵到.
回覆刪除其次係夾板,表面包真木木皮,
纖維板一般做傢俬會用中纖板,係將D木壓碎再整成.
我問過幾間傢俬舖/DESIGN HOUSE,只有一間話中纖板好JAR~因為佢地係用中纖板. 其他幾間就兩樣材料都有~夾板較耐用,防潮
[版主回覆05/21/2010 03:40:00]我上星期上大陸睇過,佢哋話用大芯板,我上網search,大芯板係夾板之中比較差嘅,但係都好過纖維板,不過香港做夾板真係幾貴哩!
個人認為啦~除非你好熟大陸,又識人. 又多時間,唔介意佢錯完又錯,自己一手一腳跟到尾, 否則唔建議返大陸訂傢俬.
回覆刪除我睇過好多網上返大陸訂傢俬既,一土火...仲比埋D爛木...送到黎HK唔玩野,唔上樓,要加錢. 你去ESD 就會搵到相關資料GA LA~
[版主回覆05/21/2010 03:44:00]我都有睇過ESD呀,而家問嗰間香港都有shop,都有人做過話ok嘅,不過都唔係太放心,所以應該會搵佢做廚櫃,其他傢俬仲考慮緊!
裕興發傢俬搬左啦.同一條街.前幾間鋪.因為我早前系佢間公司買過傢俬.E家想再訂一間房的傢俬..點知去到見到無開門.仲貼左張紙.原來系搬左鋪.. 我之前系搵啊許生跟.佢都幾細心架..所以E家都系搵佢帮我設計.
回覆刪除[版主回覆10/23/2010 09:42:00]多謝你通知呀!我遲啲間細房造傢俬都諗住搵番許生呀!