其實上次揀完相我就發覺我得5張單人相，仲有一兩張上次冇揀嘅我都想要架！同埋之前為咗每個景都揀一張留念，仲有啲影得個樣幾靚，但係因為唔想一個景揀咁多張所以冇揀到！咁我就問牛牛：「你話好唔好睇多次上次冇揀啲相？」牛牛就話：「咁即係加相啦！你想睇咪睇囉！」yeah～～
就係咁，我哋就自己送上門！！我問Clara如果我揀多10張，可唔可以幫我入埋大相簿，Clara話要加$1800冇價講，我哋梗係唔制啦！佢叫我揀多啲相再加錢買多本細相簿就平啲，又可以入埋之前嗰3張散相，我哋梗係又唔制啦！點知揀吓揀吓最後我竟然揀多咗21張，有一張係牛牛單人相，差唔多迫佢先肯要，真係慘！Clara又鬼咁好口，又話我似某某台灣女model（梗係唔似啦！尤其是身材！），佢比個offer又真係好鬼抵喎！諗住就咁成交，點知．．．．．．
佢比兩本無縫同有縫相簿我哋睇，極力推介我哋做埋無縫coating，我由始至終都話唔會加coating，因為太貴唔值又冇實際用途，點知比我睇穿咗牛牛想要無縫相簿，激死～～雖然我哋唔擺酒，不過親戚食飯都有成百人，攞本無縫相簿出嚟又真係靚仔好多，唔洗中間有條白邊咁懷舊！最後梗係乖乖哋比錢啦！真敗家～～埋單比多幾千蚊，不過都Ｒ咗好多嘢，今次唔post 出嚟喇，想知個offer 就用“私人回應”問我啦！
而家total 有成百張相，如果唔係分3次出血我應該會理性啲，而家咁3千3千又3千真係唔覺唔覺大出血！唯有安慰自己：用總數除番開每張價錢係比之前平咗嘅！！不過下個月仲要去台灣，我而家已經有嚴重“選擇困難証”，我唔想有埋“貧血”呀！所以我決定將呢輯當做主打，下個月去台灣係為咗食嘢，影婚紗相只係“順便”啫！堅持唔帶MUA出街，企梗唔加相！！
我仲恐嚇牛牛，如果去到台灣佢仲係咩都唔出聲咩都冇意見咩都我話事，我就買晒所有中意嘅相，到時同佢放血佢一定會後悔，哈哈哈～～相版又嚟喇～～
恨咗好耐嘅長腿相，不過點都冇人哋咁長！！
紫色晚裝＋殘樣！
長腿相幾靚呀, 留個回憶都唔錯~~
回覆刪除[版主回覆03/31/2010 22:20:00]我就係見人哋影得好靚,所以我都唔執輸,request一定要影,哈哈!!
唔係話第一日捨棄咗既相, 佢會即時delete架咩 ? 點解你第一次無揀既相, 第二次去到仲有keep既 ?
回覆刪除[版主回覆03/31/2010 22:47:00]我第2日打比sales佢話未delete,有blog友隔咗一個星期都仲可以加相呀!!
吓, 我揀相個日, 個sales話如果我地唔揀多d, 就會即時delete哂捨棄區個d相, 想後悔就無架啦 (原來呢d只係佢地銷售手法??) 好在我地一心唸住唔加錢, 唔加相, 因為唔主打, 所以無比佢扼到啫 ~
回覆刪除[版主回覆03/31/2010 23:45:00]我都覺得係囉,佢哋咩都話"之後冇架喇", 我就唔信佢哋有錢唔賺!!
長腿相好靚 ~ 已經夠長啦, 仲想幾長, 小姐
回覆刪除出血換番來係咁多靚相同回億, 抵啦!!
錢駛左可以再搵過既姐~
[版主回覆04/01/2010 11:16:00]哈哈...係攝影師影個角度好,呃得吓人啦! 本身我對腳係甲組嗰班架!!
你對腳已經好長啦~~~我5月都去台灣影相...咩都未plan..少少擔心
回覆刪除[版主回覆04/01/2010 13:52:00]其實都冇咩好plan,都係book機票同hotel啫! 咁你諗定景點未呀??
有咁多靚相係...值既 我驚你去台灣又會忍唔住手喎
回覆刪除[版主回覆04/01/2010 18:12:00]我都好驚呀！！睇番人哋ｄ相，原來我join嗰間黑店都唔係影得好差，台灣又多景．．．
你張長腿好得呀!! 少少sexy 又修長!! 我都有張show 腿架!
回覆刪除不過影得我好肉酸!我都唔記得我最後有冇揀到!
[版主回覆04/01/2010 18:11:00]係攝影師嘅功勞囉！不過原來我ｄ腳指好核突，哈哈！！
嘩~你又走去放血呀!!!!!!
回覆刪除[版主回覆04/02/2010 18:47:00]係啦...真敗家~~
好羡慕你條腿，我得豬腿又短又肥....去到池邊都差點唔敢露出來..>.<...
回覆刪除[版主回覆04/02/2010 18:46:00]都係攝影師角度ok囉,不過沙灘都有d影得蘿蔔腿揀唔落手,哈哈!!
哈哈…我之前都有影到SHOW腿相呀！
回覆刪除[版主回覆04/02/2010 18:42:00]你係MDW影?幾時收相呀?
最緊要敗得高興~~~!!
回覆刪除[版主回覆04/03/2010 00:46:00]希望收到相簿有驚喜啦!
希望你堅持到啦....
回覆刪除哈哈....我都有呢張show腿相呀.....
回覆刪除好期待...好想快d 收到d 相呀!!!!!
[版主回覆04/08/2010 13:01:00]我就係見人影得好靚,所以我request一定要影囉!
MDW係呀…仲未收相呀！
回覆刪除[版主回覆04/08/2010 14:43:00]到時放多幾張出嚟睇吓呀!!
yeah~星期五我會再揀相呀!!!你可唔可以講比我知你有咩offer呀?其實我諗都係買多10幾張，但係就想放晒入相簿，應該可以點同佢講呀???
回覆刪除頭先Clara話叫人拎返o的相出黎，未必有discount比我，我覺得佢呃我既...哈哈~
[版主回覆04/20/2010 22:27:00]恭喜晒呀!!我留咗言喺你blog呀!!
最後有咩OFFER呀???
回覆刪除揀完一次..仲可以番轉頭揀第2次....捨棄區D相仲有???
我好多相都想揀架~不過比老公好狠OUT哂...佢睇住BUGET揀...一夠就收手...乜都冇得講~
你地仲有2R相送咁好呀.....我地乜都冇R呀...
回覆刪除TOTAL 拎左90張相走人....90張入油2本大,2本細,同相架.....剛剛好....一張都冇重覆。
[版主回覆05/16/2010 22:43:00]咁都ok吖,有兩本大相簿!!
回覆刪除這張好靚呀~ 已經好長腿啦~~~ 好羨慕呀~~~
[版主回覆06/24/2010 09:29:00]多謝...到你收到White Chocolate啲相share吓吖!
仲有4日係你大日子啦,恭喜恭喜ar~~^^祝你一切順順利利~~
回覆刪除你長腿相好靚ar~又長又瘦~~我book 左下年4月影ar,但我條腿又甲組,到時都唔知影唔影長腿pose 相好.....
我想問你佢地比左咩offer你ar?我個sales係 Qebe 原來 佢係 總店shop manager ..我expo walk in 佢service我..我而家好怕到時佢地唔會比太多package野我>.<
anyways~加油ar~大日子順利~sweet~~^^
[版主回覆10/23/2010 09:52:00]多謝你呀! 其實我都係甲組腳,小腿好似蘿蔔咁,不過攝影師會就角度,之後又會執相,所以個個新娘都有又長又瘦嘅長腿架!! 梗係影咗先算啦,最多到時唔中意咪唔揀囉!!好過唔影第時後悔呀!