攝影師：阿安
助手：阿朱
化妝師：Bonny
過程同上次一樣，都係影外景先，今次要自備假眼睫毛同粉樸，上次現場睇就覺得隻眼仔好精靈，不過睇相唔覺，所以今次買咗誇張款假眼睫毛，Bonny好有心機幫我痴（因為我鴛鴦眼好難攪！），eye shadow都係紫色，化出嚟精靈過上次。Bonny問我上次有咩唔中意，我 request 啲蔭唔夾鬈，唔放咁多頭髮落嚟，所以今次兩個婚紗造型都係夾起晒，後面鬆鬆哋，之後兩個晚裝造型就一邊放少少落嚟，側邊留番啲蔭遮住包包面，即刻順眼好多！不過啲裙嘅size好似細咗，唔知係咪我肥咗呢，希望影唔到“吱吱肉”啦！
臨出發先知cam man係阿安，開頭都驚驚哋，見佢咁後生，之前都有聽過佢個名，不過冇留意佢啲comment好唔好喎！我比埋notes佢睇我有咩要求，不過我諗佢都知，因為佢睇過我上次啲相！助手阿朱都好盡責，張張相都幫我整好條裙先影，不過就冇上次阿明咁細心。
赤柱勁大風勁凍，凍到好似得10度咁，去到碼頭嗰邊我直情凍到想放棄，超辛苦，不過一諗起冇 take three，上次又冇影碼頭，點都要堅持落去！去到沙灘反而冇咁凍，阿安仲幫我哋影咗好多唔同pose，畫心心﹑跳跳跳﹑fing裙﹑飛裙尾﹑又背又抱（牛牛辛苦晒！）﹑踢水都有幾款，好有動感！差唔多４點先返去，比上次影耐咗成個鐘！上到車個頭勁痛，仲以為冷親添，好彩食完嘢又好啲！
影水池好開心呀，得我哋一pair（上次三pair迫埋一齊，影咗幾張就走！），今次影咗好耐，又係好多唔同pose，鴨仔﹑長腿﹑瞓地下都影晒！之後換晚裝就冇咁活潑feel，可能都要襯番啲華麗佈景，不過阿安冇 hea住影喎，仲落力過之前，又爬梯﹑又企枱﹑又瞓地．．．高炒低炒超多角度！最後影到９點，比上次影多咗兩個鐘，不過唔記得問影咗幾多張相，應該好多！！
暫時覺得都幾好，做到我嘅要求，不過未睇相都唔敢咁大期望！下星期四２５號揀相喇，都要同牛牛商量吓budget先！
第一個造型冇咩特別！
第二個造型好似帶咗頭cool 咁，條頸鏈新架！
小皇冠幾得意！
紫色晚裝影唔到，唯有臨走換衫時影吓個誇張頭！set頭時可能Bonny已經放咗工，係另一個女仔幫我襯嘅，佢都好有心機，攞咗５﹑６個紫色頭飾比我揀，而家呢個係用咗３個頭飾夾埋一齊架！勁！！
我相信妳今次好過上一次~
回覆刪除[版主回覆03/18/2010 00:55:00]暫時都覺得係,不過都要睇咗相先知!
嚴密偷拍你都影到咁多張 紫色晚裝個造型好得呀~~!! 你今次一定出血成功~!
回覆刪除[版主回覆03/18/2010 13:15:00]我都希望出血成功,最多自己比唔叫男友比,哈哈!!
WAWAWA...淨係睇個妝...就已經知道好上次好多啦....放心返....^^
回覆刪除就算係買個妝都值.......一一一一一定好過上次啦.
[版主回覆03/18/2010 23:14:00] 咁緊張!!!
我都覺得個妝幾好! 不過婚紗頭好似冇上次set起晒嗰個咁好!
每一個妝同頭都好唔同，呢方便真係唔駛擔心!
回覆刪除相方面，真係要睇相先知~~~
唔駛擔心，重影一定搵返個穩陣的攝影師黎影O既~~~
[版主回覆03/19/2010 09:34:00]希望係啦,我都有search過阿安啲相同comment,都ok啦,我諗點都好過上次!!
我遲你一日去揀相呀... 期待中....
回覆刪除[版主回覆03/19/2010 09:35:00]好想快啲去揀相呀!!有冇諗定budget呀?
今次應該 ok la, 你第二個 look好好好正呀
回覆刪除[版主回覆03/19/2010 16:47:00]多謝你呀!希望真係ok啦,我寧願大出血呀!!
今次你靚過上次好多呀!祝你出血成功!
回覆刪除[版主回覆03/19/2010 23:38:00]多謝呀!仲有成個星期先去揀相,好緊張呀!!
BUDGET MA....好難講, 我個PACKAGE冇SOFTCOPY, 如果影得好, 都幾難預...
回覆刪除[版主回覆03/20/2010 01:13:00]但係佢哋話散相唔入相簿就冇執相呀,啲相簿都幾貴!!
恭喜晒你呀~~~ 望到啦....有情人終成眷屬lu~~~(勁老土...哈哈)
回覆刪除[版主回覆03/20/2010 01:14:00]多謝!!我都望緊你呀!!
今次到你個公主look 好可愛喎~好襯你件晚裝呀~祝你揀相大出血呀~ ^.^
回覆刪除[版主回覆03/20/2010 18:39:00]我都想大出血呀!!不過同男友未傾掂數,佢驚我下個月去台灣又失控,哈哈!!
個個look 都好靚!!!!!! 祝你出血成功!!!
回覆刪除[版主回覆03/22/2010 16:36:00]多謝...仲有3日就揀相喇,好緊張呀~~
哈哈…就咁睇下D花絮都唔錯，今次一定大出血！
回覆刪除[版主回覆03/27/2010 05:21:00]出咗少少血啦~~遲啲同大家匯報!!